Hùnwhẹ Jijizan Jesu Klisti Tọn

Sọn Wikipedia
Jump to navigation Jump to search
Hùnwhẹ jijizan Jesu Klisti tọn

Hùnwhẹ ehe nọ yín ayidego whemẹwhemẹ nado flin jijizan Jesu tọn, bó nọ yín ayidego to azan koatọn-tọ, awewesun, owhe dopodopo tọn gbọn gbẹtọ liva susu lẹ dali lẹdo aihon pe taidi hùnwhẹ sinsẹn kavi akọ tọn de. Azan he gbé hùnwhẹ ehe nọ yín bibasi nọ yín kinklandovo taidi gbọjẹzan de to oto susu lẹ mẹ, e nọ yín ayidego to sinsẹn-liho gbọ́n klistiani lẹ dali podọ to aṣa-liho gbọn mẹhe ma tlẹ yín klistiani lẹ dali. Otan he dọho gando Jesu go to alẹnu-yọyọ owe Biblu tọn mẹ dọdọ Jesu yín jiji to Bẹtlẹhẹm sọgbe hẹ dọdai he ko yín didọ gando e go. To whenue Josẹfu po Malia po he yin mẹjitọ Jesu tọn lẹ jẹ oto Bẹtlẹhẹm tọn mẹ, ye ma mọ fie ye na nọ enẹwutu ye na ye lẹngbọ-po de fie viyẹyẹ lọ wa yín jiji te bọ angẹli lẹ là owẹn nujijọ lọ tọn na lẹngbọ-họtọ he to lẹdo lọ mẹ lẹ he wá la owẹn lọ pé. Dile e tlẹ yindọ azan he gbé Jesu yín jiji te ma yín yinyọn-ẹn taun, to owhe kanweko ẹnẹtọ, nukọntọ ṣọṣi tọn whenẹnu tọn lẹ de azan koatọn-tọ, awewesun tọn nado du owhe jijizan Jesu tọn, azan ehe jẹ do avivọ-whẹnu to owhe-we lomunu lẹ tọn ji. Klistiani susu nọ du owhe jijizan Jesu tọn ehe to azan koatọn-tọ, awewesun,owhe dopodopo tọn bọ ehe ko yín alọkẹyi gbọn mẹsusu dali lẹdo aihon pe.