Frances Gillmor
Frances Gillmor (21 Nuwhàsun 1903 - 28 Kọ́yànsun 1993) yin Amẹlika-nu he nọ basi kàndai gando aṣa go, weyọnẹntọ podo wekàntọ po.[1]
Otàn gbẹzan etọn tọn[jlado | jla asisado]
E yin jiji to Buffalo NY, to Nuwhàsun 21, 1903 Frances Gillmor wẹ ovi dopo gee lọ na Abner Churchill Gillmor podo Annie McVicar Gillmor po. Gilmor tindo ojlo lọ nado lẹzun wekàntọ dile e zin otànwe tintan etọn tọ́n jẹgbonu to 1929. E yi wehọmẹ alavọ Chicago tọn to 1921 ṣigba bo jo wehọmẹ lọ do whẹpo e do fó to 1923 nado lẹzun linlinnatọ. Madogán onọ́etọn tọn wẹ zọn bọ whédo lọ do yi Arizona to 1926 bọ Gillmor do lẹkọ do wehọmẹ alavọ Arizona tọn to fihe e mọ gbedewema daho po daho-hugan po te to nudide mẹ bo fó to 1931. E lẹzun azọ́nyọẹntọ Navajo tọn dile e yi gbedewema daho-hugan etọn do basi dodinnanu do John podo Louisa Wade Wethrill po ji to nusẹwhè Navajo tọn to Arizona.[2][3][4] Gillmor plọn wehọmẹvi wehọmẹ alavọ Mexico tọn podo wehọmẹ alavọ Arizona tọn po. E yi Mexico nado yi plọn ogbe Spain tọn nado wa dagbe dogọ to walọyizán etọn mẹ hẹ Indianu he yin Pueblo lẹ podọ na whẹwhinwhẹ́n họntọnjiji podo Ola Apenes tọn po.[5] E sọ wazọ́n to finẹ taidi linlinnatọ he yí hùnhùn Dewey tọn do kànji to 1937 bosọ kànhose Diego Rivera. To whenuena e gbẹpo to finẹ, Gillmor jẹ ojlo tindo Aztecs mẹ bosọ jẹ dodinnanu do Nezahualcoyotl ji ehe e wa zinjẹgbonu to nukọn mẹ taidi otàn gbẹzan etọn tọn. E plọnnu podo Escuela Nacional de Antropologia e Historia to1952 bọ Gillmor fó oplọn gbedewema daho-hugan tọn, bo yin nina ajọ̀ podo azọ́nwiwa dagbe de po to 1957 gbọn Universidad Nacional Autonoma de Mexico dali.
To whenuena e gbẹ to oplọn aṣa Aztec tọn basi Gillmor sọ to dodinna aṣa lẹ to wehọmẹ alavọ aṣa Indianu lẹ tọn to 1946 ehe hẹn nuhudo nado basi kàndai aṣa hùwaji-whèyihọ US tọn. Nado sọgan wlebona kàndai lọ lẹ Gillmor wleawuna wehọmẹ alavọ Arizona tọn he nọ penukundo yovogbe podo aṣa Spain tọn lẹ po. Gillmor tindo mahẹ to aṣa lẹdo Amẹlika-nu lẹ tọn bosọ sẹ̀n taidi mẹbọdo Tògbo-gán go to 1958 podo 1964 po. E yin nina Guggenheim Fellowship to 1959 na plọn aihundida aṣa tọn to Spain podo Mexico po. Mahopọnna gbejizọnlin etọn podo dodinnanu po, Gillmor gbẹpo to nuplọn wehọmẹvi wehọmẹ alavọ Arizona tọn bosọ yin nina ajọ̀ university's Creative Teaching award to 1970.[3][6][7] Gillmor basi matintọ to Kọ́yànsun 28, 1993 to Tucson, Arizona. Owe etọn lẹ yin sisẹwhe do ohọ̀ nusẹwhe wehọmẹ alavọ Arizona tọn.[8][9]
Owe he wekàntọ ehe kàn lẹ[jlado | jla asisado]
- Thumbcap Weir (1929)
- Windsinger (1930)
- Fruit Out of Rock (1940)
- Flute of the Smoking Mirror (1949)
- The King Danced in the Marketplace (1964)
Alọdlẹndonu lẹ[jlado | jla asisado]
- ↑ Mann, Thomas L. (1988). Biographical Directory of Anthropologists Born Before 1920 (in English). Garland Pub. ISBN 978-0-8240-5833-3.
- ↑ Gacs, Ute; Khan, Aisha; McIntyre, Jerrie; Weinberg, Ruth (1988). Women Anthropologists: Selected Biographies (in English). University of Illinois Press. ISBN 978-0-252-06084-7.
- ↑ 3.0 3.1 Thompson, Stith (1996). A Folklorist's Progress: Reflections of a Scholar's Life (in English). Indiana University Press. ISBN 978-1-879407-08-4.
- ↑ "Gillmor, Frances (1903–1993)". www.encyclopedia.com. Encyclopedia.com.
- ↑ Expectations Unfulfilled: Norwegian Migrants in Latin America, 1820-1940 (in English). BRILL. 4 December 2015. ISBN 978-90-04-30739-1.
- ↑ Whitehill, Sharon (2005). Frances Gillmor, Aztec and Navajo Folklorist (in English). Edwin Mellen Press. ISBN 978-0-7734-5942-7.
- ↑ Babcock, Barbara A.; Parezo, Nancy J. (1988). Daughters of the Desert: Women Anthropologists and the Native American Southwest, 1880-1980 : an Illustrated Catalogue (in English). University of New Mexico Press. ISBN 978-0-8263-1087-3.
- ↑ Anthropology Newsletter (in English). American Anthropological Association. 1994.
- ↑ Gillmor, Frances (1910). Frances Gillmor papers. OCLC 37130618.