Desmond Tutu/guw-bj
Arcxbishop Desmonɖ Mpilo Tutu (azán cianwetɔ Kɔnyàsun oxwe 1931 jɛ azán koatɔ́n-nukúndókpótɔ Awèwèsun oxwe 2021) nyí nukɔntɔ sinsen Anglican tɔn to xùwaji Aflika tɔn (South Africa) nu xe nɔ xoavùn ná jlɔjɛ gbɛtɔ́vi tɔn. E mɔ gigokpanamɛnu ɖaxo Nobel peace prize yi to oxwe 1983 ná xe é xo sɔta ahwan Apatheiɖ tɔn to otò South Africa tɔn mɛ. Desmonɖ Tutu wɛ nyí yɛxwegan tintan cɔci Anglican tɔn to Cape Town tɔn mɛ. Tutu wɛ nyí azinkpónɔ ná okpli hwɛgbigbɔ tɔn xe yě ylɔ ɖɔ̀ Truth anɖ Reconciliation Commission nádó gɔalɔna mɛxe hɛn nutindó yětɔn bu kavǐ gbleawu to ahwan hwenu.
Otàn vuhwenu étɔn tɔn
[jlado | jla asisado]Tutu nyí jiji to Klerksdórkp to Transvaal. To hwenuena é dó oxwe wiawe, éwɔ kpó hwɛndó étɔn kpó bɛ jɛ oto Johannesburg tɔn. Tutu jlo nádó lɛzun dóto, cigbǎ mɛjitɔ étɔn lɛ ma kpénugo nádó sɛ́dó wexɔmɛ dótozɔn tɔn. Enɛwutu wɛ é dó yi kplɔ́nnu to wexɔmɛ ɖaxo Pretoria Bantu Normal College tɔn nádó lɛzun mɛkplɔ́ntɔ. é nyí mɛkplɔ́ntɔ to wexɔmɛ ɖaxo Johannesburg Bantu High School kpódó Munsienville High School kpó to Mogale City.
Otàn gbɛzǎn étɔn tɔn
[jlado | jla asisado]Tutu wlealɔ kpó Nomalizo Lea Shanxane kpó to azán awetɔ Liyasun oxwe 1955. To oxwe 1975, é gɔ̀ jɛ̀ oxɔ étɔn xe yě nɔ ylɔ ɖɔ Tutu xouse to gbètato Soweto tɔn mɛ. Tutu ku to dótoxwé ɖaxo Cape Town tɔn to azán koatɔn-nukúndókpótɔ Awewesun oxwe 2021. é dó oxwe 90. Azɔn ylankan prostate Cancer tɔn wɛ é jɛ̀ kaka é dó ku.