Desmond Tutu

Sọn Wikipedia
Jump to navigation Jump to search
Desmond Tutu

Archbishop Desmond Mpilo Tutu (azán ṣianwetọ Kọyànsun owhe 1931 jẹ azán koatọ́n-nukundopotọ Awèwèsun owhe 2021) yin otò Hùwaji Aflika tọn (South Africa) nu he nọ hoavùn na jlọjẹ gbẹtọvi tọn. E mọ gigopanamẹnu daho Nobel Peace Prize yi to owhè 1983 na he e ho sọta awhan Apatheid tọn to otò South Africa tọn mẹ. Desmond Tutu wẹ yin yẹwhegan tintan ṣọṣi Anglican tọn to Cape Town tọn mẹ. Tutu wẹ yin azinponọ na opli whẹgbigbọ tọn he ye ylọ dọ̀ Truth and Reconciliation Commission nado gọalọna mẹhe hẹn nutindo yetọn bu kavi gbleawu to awhan whenu lẹ.

Otàn vuwhenu etọn tọn[jlado | jla asisado]

Tutu yin jiji to Klerksdorp to Transvaal. To whenuena é dó owhè wiawe, ewọ po whẹndo etọn po bẹ jẹ oto Johannesburg tọn. Tutu jlo nado lẹzun doto, ṣigba mẹjitọ etọn lẹ ma penugo nado sẹ́dó wehọmẹ dotozọn tọn. Enẹwutu wẹ é dó yi plọnnu to wehọmẹ daho Pretoria Bantu Normal College tọn nado lẹzun mẹplọntọ. E yin mẹplọntọ to wehọmẹ daho Johannesburg Bantu High School podo Munsienville High School po to Mogale City.

Otàn Gbẹzan etọn tọn[jlado | jla asisado]

Tutu wlealọ po Nomalizo Lea Shanxane po to azan awetọ Liyasun owhè 1955. To owhè 1975, e gọ̀ jẹ̀ ohọ etọn he ye nọ ylọ dọ Tutu House to gbètato Soweto tọn mẹ. Tutu ku to dotowhe daho Cape Town tọn to azan koatọnnukundopotọ Awèwèsun owhè 2021. E do owhè 90. Azọn ylankan Prostate Cancer tọn wẹ é jẹ̀ kaka e dó yin kúkú tọ́.