Damilola Adegbite/guw-bj
|
Cet article est écrit en Gun (Bénin) |
Damilola Adegbite (mɛxe nyíkɔ étɔn to gigɔ́ mɛ wɛ Oluwadamilola Aɖegbite nyí jiji to azan fɔtɔn-nukún-atɔ̀ntɔ́, Nuxwàsun, oxwe 1985 tɔn), é nyí aihundatɔ otò náijilia tɔn, é sɔ nyí ajɔjlatɔ ɖé, kpóɖɔ tito Television ji tɔn bayitɔ ɖé. E sɔawuxya tayiɖi Thelma ɖuke to adà xe é yiwa to sinima soap opera Tinsel mɛ, bosɔ sɔawuxya tayiɖi Kemi Williams to sinima Flower Girl tɔn mɛ. é nyí ɖiɖé tayiɖi aihundatɔ ɖagbe-húgǎn to tito Televizion ji tɔn lɛ mɛ to Nigeria Entertainment Awarɖs xe wá aimɛ to oxwe 2021 mɛ.
Otàn gándó gbɛzǎn étɔn go[jlado | jla asisado]
E nyí jiji dó Surulere, to ayimatɛn Awɔnlin tɔn mɛ. é yi wexɔmɛ Queen's College tɔn to Yaba, to Awɔnlin bosɔ yì kplɔ́nnu gandó Business aɖministration go to wexɔmɛ alavɔ Bowen tɔn to otò Iwo tɔn mɛ to ayimatɛn Osun tɔn mɛ. Tinsel wɛ nyí sinima tintan xe mɛ é sɔawuxya te. é ko sɔ sɔawuxya to ajɔjijla tito Televizion ji tɔn lɛ mɛ bosɔ nɔ basí tito Televizion tɔn ɖevo lɛ ga.
gbɛzǎn mɛɖétiti tɔn étɔn[jlado | jla asisado]
To avǐvɔsun, oxwe 2014 tɔn mɛ, Aɖegbite yigbe nádó ɖa Chris Attoh, xe nyí aihundatɔ-gbɛ́ ɖé xe é ɖukosɔ xɛ to hwenue é to sinima soap opera Tinsel tɔn basí. To Zósun, oxwe 2014 tɔn mɛ, alɔwlemɛ éxelɛ ji visunnu ɖé xe nyíkɔ étɔn nɔ nyí Brian. Aɖegbite kpó Attoh kpó basí alɔwle abɔɛnɔ yětɔn to Accra, itò ɖé mɛ to Ghana to azàn wiɛnɛtɔ, Afínkplɔsun, oxwe 2015 tɔn mɛ. To Zósun, oxwe 2017 tɔn mɛ, linlin ɖé dóxya ɖɔ alɔwle Aɖegbite kpó Chris Attoh kpó tɔn ko gbakija.