Aplan
Aplan yin nududu tangan dé he nọ yin dudu ganji to Gunnugbeji. Dibla yindọ suhugan Gunnu lẹ wẹ yiwanna aplan bosọ nọ du. Aplan nọ yin mimọ to Fẹnyẹn mẹ, mí na din fẹnyẹn sọn glemẹ bo pà oflo sọn ego. Bo kisa diho sẹ sọn ego bo ze yi mọmẹ na lili, yé na li bọ e na mẹ ganji bọ e na yin bíbẹ dó apo dé mẹ bọ e na yin bibla ganji bosọ yin finfinọn ganji na ojlẹ dé na osin nido tọn sọn emẹ. Enẹgodo mí na tlu apó lọ bo ba ojlẹ he mí jlo na da sọn emẹ.
Lehe E Nọ Yin Dídá Dó[jlado | jla asisado]
Mí na ba fẹyẹn lili lọ dó lọba dé mẹ bo ba Lifin pẹvi dé dó emẹ ga bo yan ẹn dopọ ganji. Nuhe wutu e dó yinmọ wẹ yindọ, eyin Lifin ma yi emẹ, e na ko dẹ hugan na dudu. Mí sọgan yí ojẹ pẹẹde dó emẹ eyin mí jlo ṣigba e ma yin dandan gba. To enẹgodo, mí na ba osin dó adoji bọ eyin e ko hùn miawu ganji mí na ba ẹ po dó lọba dé mẹ doai bo kọn fẹnyẹn lili he mí ko yí Lifin gọna lọ po dó osin he tin to adoji lọ bo ze wọdatin kavi atinpẹ bo jẹ huhlu i ji. E na jẹ bibi vudevude bo jẹ sinsinyẹn ji bọ osin miawu he mí ko bapo doai lọ na jẹ yiyi emẹ pẹdepẹde bọ mí na jẹ lililẹ ji na osin lọ nido biọ emẹ ganji. Mọwẹ mí na to bibasi kaka e na dó diọ wunmẹ bo bi ganji. Mí na zlọn ẹn sọn adoji bo ba dó agban mẹ bo du po nusọnu depope he mi jlo po.