Alùbasa
Alùbasa yin oma de. To whenue gbẹtọ lẹ to hodọ gando Alùbasa go, yé nọ saba dlẹnalọdọ do Alùbasa he nọ yin yiylọdọ Ayoma. Awusọhia alùbasa tọn nọ taidi onu loboto de, he nọ yọnna dudu. E nọ do owan gblingblin de. Alùbasa ko nọ yin didó sọn ojlẹ dindẹn die gbọn. To ojlẹ enẹ mẹ, e nọ yin didó to otogbo Ijipti po onu devo lẹ po taidi ylẹnkun po dotẹ po. Ṣigba to egbehe, lẹdo aihọn pe wẹ e nọ yin dudu te podọ diblayin aṣa aihọn tọn lẹpo wẹ jẹakọ hẹ́ bosọ nọ du.
Didó etọn
[jlado | jla asisado]Glesi lẹ nọ dó alùbasa gbọn okún etọn dali kavi alùbasa lọ lọsu na ede. Eyin okún lọ wẹ yin didó, e nọ wú susu, enẹwutu, ye nọ to dandannu glọ nado họn delẹ sẹ na dehe po lẹ nido whẹn ganji. Aliho devo nado dó ayoma wẹ nado dó ewọ lọsu gangan. Ehe lọ nọ yawu whẹn ṣigba e ma nọ dọji ganji taidi dehe okún etọn wẹ yin didó lọ.
Dudu etọn
[jlado | jla asisado]Alùbasa sọgan yin dudu to aliho voovo mẹ;
- To whedelẹnu, e nọ yin lili do nusọnu mẹ.
- E nọ yin sinsan do flinflin bo nọ yin sisọ do ojá mẹ.
- Mọdopolọ, e nọ yin sinsan do salad mẹ ga.
- Mẹdelẹ nọ du tata etọn.
- E nọ yin yiyizan nado bọ olan.
Etẹwutu e nọ hẹn nukun ja dasin
[jlado | jla asisado]To whenue ayoma yin sinsan, nugonu etọn delẹ nọ hun. To whenue osin etọn biọ jẹhọn bo sa jẹ nukun, e nọ zọn bọ nukun nọ hla dasin. Nudelẹ tin he sọgan yin wiwa nado hẹnalọdotena onu mọnkọ taidi;
- Alùbasa lọ sọgan yin sinsan to osin mẹ.
- Ayọma lọ sọgan yin sisẹdo osin agó mẹ.
- Zan ohi he da ganji.
- Mẹhe to sinsan lọ sọgan nọ jẹhọn nu.
- Mẹhe to sinsan lọ sọgan ṣinyọn gannukun nado basi hihọna nukun lọ.
Yẹdide etọn lẹ
[jlado | jla asisado]-
Ayoma voovo awe -
ota ayoma koklojonọ de tọn
