Akì Noa Tọn
Aki yin apotin daho de he sọgan fo to osin nukunmẹ, de Jiwheyẹwhe dọ na Noa dọ ni gba to hoho whenu ni e wọ po whẹndo e tọn po ni ma yin vivasudo po mẹylankan lẹ po. Hogbe lọ Aki wa sọn Heblugbe, e yin dopo to ogbe de ye nọ yi zan to hoho whenu.[1]
Nuhe zọn bọ aki do yin gbigba[jlado | jla asisado]
Sọn bẹjẹẹji wẹ walọylankan lẹ ko tin kaka jẹ Noa whenu po egbehe lọsu po ga. Dile ojlẹ to yiyi, gbẹtọvi lẹ to susu to aigba ji, amọ suhugan yetọn wẹ nọ wanuylankan lẹ. Angẹli delẹ sọ do alọ to walọylankan mẹ sọn olọn mẹ, ye yí nukúnkẹn do yiwanna nuhe ma yin yetọn, ye diọ agbasa yetọn do gbẹtọvi tọn bo dasi, bosọ jivi lẹ enẹ wẹ wa hẹ̀n aihọn lọ gble pete, whenue ovi yetọn lẹ to whinwhẹn, ye do huhlọn taun hú gbẹtọvi lẹ bo lẹzun nukúnvandomẹtọ lẹ, na ehe po walọ ylankan gbẹtọvi lẹ tọn po wutu, Jiwheyẹwhe basi dide nado yí singigọ do va mẹylankan lẹ sudo. Amọ mẹdopo tin bo gbọnvo, e ma nọ da do nu yanyan de ye nọ wa to ojlẹ etọn mẹ lẹ mẹ, yinkọ e tọn wẹ Noa e do asi po visunu atọn po:
- Ṣẹmi
- Ham
- Jafet
dopodopo yetọn tindo asi whẹndo lọ blebu bai ṣinatọn. Jiwheyẹwhe dọna Noa nado gba apotin de to heblu gbe mẹ aki daho na ewọ po whẹndo e tọn po sọgan lun singigọ lọ tọn. To afọdopolọji e bẹ azọn lọ, nudi owhe 50 wẹ ye yi do gba aki lọ. Lehe Jehovah dọ ye ni gba aki lọ do pẹpẹ wẹ ye basi do.