Ahọlu Aganọ Toniyọn I

Ahọlu Aganọ Toniyọn I

Ahọlu Aganọ Toniyọn I otò Ajara Agamathen tọn yin jiji dó họnmẹ Ahọlu ahọluduta Gbethe Gbetheko Ajara Agamathen tọn mẹ hugan owhe kande-fọtọ̀n die.

Wehọmẹ yiyi etọn

To whenue e tin to owhe wehọmẹ yiyi tọn mẹ, e yì Local Authority Primary School to Ajido to Lẹdo Gandudu Dokọ̀ tọn lọ mẹ bosọ tọ́n to owhe 1977 tọn mẹ to whenue e yí gbedewema wehọmẹ fifo tọn.

Na owanyi he e tindo na wepinplọn wutu, e zindonukọn bo yì Government Teacher's College, to Ajara to tòdaho Gbagli tọn mẹ to owhe 1981 mẹ. Ṣigba e ma penugo nado zindonukọn to wepinplọn etọn mẹ na otọ́ etọn he nọ yin Tosagbede Avosegamu lẹzun matintọ wutu.

Etomọṣo, e tindo mahẹ to wepinplọn whejai tọn mẹ to Maun Community High School, Maun Ipokia to Ayimatẹn Ogun Tọn mẹ na ojlo he e tindo na wepinplọn wutu bosọ yí gbedewema wehọmẹ daho tọn to finẹ to owhe 2002 tọn mẹ. E sọ zindonukọn bo yì Wehọmẹ Alavọ Adeniran Ogunsanya College of Education nado plọnnu gando ajọ́ go sọn owhe 2005 jẹ 2009 tọn mẹ. Ṣigba e ko fo azọ́n fọga (Vulcanizer) tọn pinplọn whẹpo do jẹ yanwle wehọmẹ yiyi tọn yan ji bo to azọ́n lọ wà bosọ to Wehọmẹ yi na e tindo yanwle wutu. Ewọ wẹ ogán Ogbẹ́ Fọga tọn sọn owhe 1992 jẹ 1995 mẹ. Ewọ sọ wẹ azìnponọ na Ogbẹ́ lọ sọn Ayidosun 1995 jẹ Zósun 1999 mẹ.

E dù togán otò Ajara Agamathen tọn to azan ẹnẹtọ, Avivọsun, owhe 2000 to Lẹdo Gandudu Dokọ̀ tọn Gbagli tọn mẹ. E sọ dovivẹnu bo yi jẹgbakun he tọ́gbo etọn lẹ ko hẹnbu nado yin Ahọlu otò Ajara tọn bọ Jiwheyẹwhe sọ dona vivẹnudido etọn to azán ko-nukunẹnẹtọ Alunlunsun 2018 mẹ, bọ e mọ gbedide yí sọn Ayimatẹn-gán si bo lẹzun Ahọlu Aganọ Toniyọn I otò Ajara Agamathen tọn to azán widopotọ Afínplọsun 2018 mẹ.

Delẹ to ajọ̀ he e mọyi lẹ mẹ

• Certificate of exceptional Leadership by Chaplaincy Training Command College of CMF_SAO Theology International School, South Hills, Pennsylvania, U.S.A.
• Badagry Legend Award_ De Royal Magazine.
• Certificate of Excellence_International Federation of Yoruba Council of Youths.
• Certificate of Honour_Lagos State Polytechnic, Ikorodu.
• Honorary Award on Educational Development by Lagos State University (LASU).

Gbẹzan alọwlemẹninọ etọn po nuhe e yiwanna lẹ po

Ahọlu Aganọ Toniyọn I wlealọ bọ Jiwheyẹwhe sọ dona ẹn po ovi lẹ po. Klistiani de wẹ e yin.

Ahọlu Aganọ Toniyọn I yiwanna onu susu lẹ, taidi: wehihia, gbejizọnlin zinzin yi otò devo mẹ, po mọmọ po sọyi.