Adam Smith

Sọn Wikipedia
Jump to navigation Jump to search

Adam Smith (16 Ayidosun 1723 -17 Liyasun 1790) yin Scotland tọ he tindo zinzin ajọwiwa tọn he yin yiylọ dọ oto ajọtọ whenu mitọn. Owe etọn(An Inquiry into the Nature and Causes of the Wealth of Nations) yin zinzin jẹgbonu to Owhe 1776 yin titengbe, gbẹtọ lẹ ylọ owe lọ dọ The Wealth of Nations. E dọ pẹde to ayilinlẹn he ji ajọwiwa sinai do, titengbe ahi ajọwiwa tọn. Adam Smith kanbiọ dọ etewẹ gbẹtọ sọgan wa he yọn hugan na oto etọn? E wa gbeta lọ́ kọn dọ eyin gbẹtọ lẹpo wa nuhe yọn na yede lẹ po mẹhe yin hagbẹ whẹndo etọn tọn po họntọn lẹ po, whelọnu oto lọ na wa dagbe. Ehe yinmọ, na mẹlẹpo yọn nususu gando ninọmẹ yetọn go (nuhe ye jlo po nuhudo yetọn po, nuhe wazọn po nuhe ma wazọn po) hugan nuhe Ahọlu yọnẹn. Nulẹnpọn ehe yin yiylọdọ Liberal Theory. E yin ada tintengbe mẹdekanujẹ na ajọ̀ wiwa he ye nọ ylọ dọ liberalismto Glẹnsigbe mẹ . E yin oweyọnẹntọ de jlọ na yọn gbẹtọ lẹ sin linlẹn (numọtolanmẹ) do nuhe yọn po nuhe ma yọn po. E kanwe bẹjẹji tọn to 1759, he yin yiylọ dọ The Theory of Moral Sentiments. E lẹn dọ numọtolanmẹ na mẹdevo tọn ni yinnujọnu to walọmẹ. Numọtolanmẹ mẹdevo tọn ni yinuwà do mìwlẹ́ lọsu ji. Na Smith, numọtolanmẹ na mẹdevo zẹmẹdo dọ a ze nujlẹdo dewe go. Na apajlẹ, numọtolanmẹ na zọn bọ homẹ na hun we ni a mọ mẹdevo to ayajẹ kavi sadi hẹ mehe to homẹgble, numọtolanmẹ na mẹdevo sọgan zọn bọ mi na yin magbọjẹnọ̀, ni mi mọ mẹdevo to tukla mẹ(Taidi dọ nulọ gando mi go). Smith po họntọn etọn David Hume he yin weyọnẹntọ Scotish tọn devo kannu tintengbe numọtolanmẹ to walọ.