Yọnnu lẹ po Aṣa lẹ po 2024

Yọnnu lẹ po Aṣa lẹ po yin agbawhinwlẹn wékinkan tọn to otò susu ṣẹnṣẹn de he Wikipedia nọ zedai to whemẹwhemẹ bẹsọn osun February tọn mẹ jẹ March nado basi kandai nue gando aṣà gọna yọ́nnu he yin nudego to ajlu lẹ mẹ go to àwa voovo lẹ ji lẹdo aihọn pé do Wikipedia ji.

Yanwle tangan agbawhinwlẹn lọ tọn wẹ nọ mọ hosọ́ lẹ gando vogbingbọn he tin to akọ̀ gbẹtọvi tọn lẹ ṣẹnṣẹn yí do Wikipedia po azọ́n Wikipedia Foundation tọn devo lẹ po ji. To owhe ehe mẹ, nue gando aṣà he lẹdo aihọ́n lọ pe lẹ ji wẹ yanwle mítọn sinai do, gọna ayidonugo zizedo zẹnsisọ jlọjẹ tọn to sunnu po yọ́nnu po ṣẹnṣẹn, dile mí to azọ́nwa dopọ hẹ mẹdevo lẹ po ogbẹ́ devo lẹ po lẹdo aihọ́n pe.

Bẹsọn 2019, mí ko yí agbawhinwlẹn Wikipedia tọn ogbè-susunọ de dogọ agbawhinwlẹn Wikimedia Commons tọn bo ko sọ de nado ze tito lọ do meta glọ nado na dotẹnmẹ nuwadopọ to wiki voovo lẹ, ogbè voovo lẹ po azọ́n voovo lẹ po ṣẹnṣẹn, nado hẹn vivẹnudido mítọn nado ze owanyi lẹdo aihọn pe to wiki ji daga. Hosọ́ he na yin awuwiwlena lẹ dona gando hosọ́ lọ go, enẹ zẹemẹdo dọ suhugan zinzántọ lẹ tọn na penugo nado mọ nue sẹpọ hosọ́ lọ he ji yé na dọhodo, vlavo hùnwhẹ lẹ, wedudu lẹ, nududu, nusisọ, kavi nuwiwa egbesọegbẹsọ tọn he zinnudo aṣà lẹdo enẹ tọn lẹ ji.

A vo nado de depope to hosọ́ he mí slẹ do todohukanji lọ mẹ lẹ bo wazọ́n deji, a sọ sọgan de hosọ́ towe titi eyin e ko gbẹ sọgan tin to kọndopọ mẹ hẹ hosọ́ tangan lọ bo ka sọ sinai do zẹnsisọ jlọjẹ tọn to sunnu po yọ́nnu po ṣẹnṣẹn ji. Nue yin numadinu to akọ̀ de mẹ nọ zẹemẹdo onú voovo lẹ to akọ̀ devo lẹ mẹ bo nọ gbọnmọ dali yidogọna nue ji yè sọgan dọhodo, gọalọ to hodọdopọ to akọ̀ voovo ṣẹnṣẹn mẹ, bosọ nọ whànmẹ nado tindo sisi na aliho gbẹninọ tọn devo lẹ.

Ojlẹ agbàwhinwhlẹn lọ tọn

Sọn azán tintan Afinplọnsun owhe 2024 tọn mẹ to ogàn 00:01 mẹ yi jẹ azán gbannukundopotọ Whejisun owhe 2024 tọn mẹ to ogàn 11:59 mẹ.

Nuhe gando hosọ agbàwhinwhlẹn lọ tọn go lẹ

Osẹ́n po Aliho Anadenanu tọn na agbàwhinwhlẹn lọ

Hosọ he yin vivọjlado lọ kavi hosọ yọyọ lọ dona tindo e whè gbau hogbe 250 kavi bayiti 2500.

Hosọ lọ ma dona yin dehe yin lilẹdogbedevomẹ to aliho mọmọ tọn de mẹ poun gbọn maṣinu de dali. Hosọ lọ dona yin vivọjlado kavi yin awuwlena to gblagbla Afínplọsun 1 po Whejisun 31 tọn po mẹ.

Hosọ lọ dona yin dehe dọho do yọnnu lẹ ji kavi do ajlú de ji. (Hosọ lẹ na yin alọkẹyi eyin yé yin dehe dọhodo Ajlú lẹ ji kavi do Yọnnu lẹ ji.)

Hosọ lọ ma dona yin dehe tin to edeṣo. Yè ma dona tunafọ osẹ́n jlọjẹ azọ́n mẹdevo tọn yiyizan tọn depope ji podọ nuhahun gando yindidi go depope ma dona fọndote,

mọdopolọ, hosọ lọ dona tindo asisa he sọgbe dile e nọ te do gando osẹ̀n Wikipedia tọn lẹ go to paa mẹ do.