Suleiman Adokwe

Suleiman Asonya Adokwe (he yin jiji to 15 Afínplọsun 1954) yin dide taidi Osẹ́n-Namẹtọ na agbegbe hùwaji Nasarawa tọn to Ayimatẹn Nasarawa tọn mẹ to Naijilia. Ewọ bẹ azọ́n etọn jẹeji taidi Osẹ́n-Namẹtọ to 29 Nuwhàsun 2007. Ewọ wẹ dopo to hagbẹ tonudọgbẹ People's Democratic Party (PDP) tọn mẹ. Ewọ yin Alago-nu, yèdọ akọ̀ de he yin apadewhe pipli Idomoid-gbè tọn.

Gbẹzan etọn

Adokwe mọ̀ gbedewema tintan wehọmẹ alavọ tọn yi to oplọn gbẹtọ lẹ tọn taidi pipli de mẹ, gbedewema titengbe yi to oplọn azọ́n lẹ tọn mẹ, podọ gbedewema tintan wehọmẹ alavọ tọn devo yi to oplọn osẹ́n lẹ tọn mẹ. Ewọ yin whẹ̀yidọtọ he plọn osẹ́n to wehọmẹ. Ewọ wazọ́n to ahọluzọ́n Ayimatẹn Nasarawa tọn sọn 1979 jẹ 1999 bo lẹzun wekantọ tẹgbẹ̀. Sọn 2003 jẹ 2006, ewọ wẹ Afọzedaitọ Ayimatẹn Nasarawa tọn na Nudọnamẹ po Whẹho Ayimatẹn lọ tọn po.

Wedegbẹ́ Tonudidọ tọn

Ewọ lẹzun dopo to hagbẹ́ Wedegbẹ́ Tonudidọ tọn lẹ mẹ to Nuwhàsun 2007. To enẹgodo, ewọ yin nina azọ́ntẹn lẹ to hagbẹ́ Wedegbẹ́ Tonudidọ tọn lẹ mẹ na azọ́ntẹn Sinsẹ̀nzọn Wedegbẹ́ Tonudidọ tọn, Hihọ́ po Nuyọnẹn po, Awhànfuntọ Tọji tọn, Tito Akọta tọn, Ajọ́ Amì tọn, po Ahì Akuẹ tọn lẹ po tọn lẹ. To Nuwhàsun 2009, linlinwe he yin yiylọdọ ThisDay dọ dọ ewọ ma ko hẹn osẹ́n yọyọ depope wa, amọ́ ewọ dọho ganji to opli Wedegbẹ́ Tonudidọ tọn lẹ whenu. Adokwe nọgodona pipli azọ́nwatọ lẹ tọn. Ewọ dọ dọ pipli azọ́nwatọ lẹ tọn sọgan na ayinamẹ dagbe na gandudu lọ na nukọntọ yetọn lẹ ma nọ gblezọn bosọ nọgodona gandudu démocratie tọn.

Adokwe bayi do lẹzun Osẹ́n-Namẹtọ Ayimatẹn Nasarawa South tọn to vòbibla whenu to lidosun 2011 tọn. Ewọ gọalọna tonudọgbẹ́ People's Democratic Party (PDP) tọn to vòbibla lọ mẹ. Ewọ dù vòbibla lọ mẹ podo vòbibla 108,844. Omẹ awetọ etọn he yin Tanko Wambai sọn Congress for Progressive Change (CPC), mọyi vòbibla 103,320. Wambai dọ dọ emi na tindo ayihaawe gando vòbibla lọ sin kọdetọn go.

Adokwe tẹnpọn nado lẹzun Osẹ́n-Namẹtọ Ayimatẹn Nasarawa South tọn whla atọ̀n to vòbibla 2015 tọn mẹ taidi vòbibla-yitọ tonudọgbẹ́ People's Democratic Party (PDP) tọn. Ewọ ma dù vòbibla lọ mẹ. Arc Salihu H. Egyebola sọn tonudọgbẹ́ All Progressives Congress (APC) tọn dù vòbibla lọ mẹ. Egyebola mọyi vòbibla 95,781, bọ Adokwe mọyi vòbibla 91,760.

To kọdetọn vòbibla tọn yin lilá godo, Adokwe yi whẹdatẹn vòbibla tọn to Lafia, Ayimatẹn Nasarawa tọn mẹ nado gboadopọna duduto Arc Egyebola tọn. To 12 Kọ́yànsun 2015, whẹdatẹn lọ gbẹwanna whẹdida etọn na dodinnanu ma tin.

Adokwe ma tindo pekọ to whẹdida lọ mẹ gba, enẹwutu e yì Whẹdatẹn Whẹvọylọ tọn to Makurdi, Ayimatẹn Benue tọn mẹ. To nukọn mẹ, Whẹdatẹn Whẹvọylọ tọn lọ zinnudeji dọ Adokwe ko duto vòbibla lọ. Whẹdatẹn lọ dọna INEC nado lá Adokwe taidi Osẹ́n-Namẹtọ dagbe de na agbegbe Hùwaji Nasarawa tọn.