Sola Akinyede

Sola Steven Akinyede (he yin jiji to 24 Afínplọsun 1954) yin dide taidi Osẹn-Namẹtọ he ze afọ agbegbe Hùwaji Ekiti tọn to Ayimatẹn Ekiti tọn mẹ, to Nigeria, tọn dai. E bẹ azọ́n etọn jẹeji to 29 Nuwhàsun 2007 bo sẹ̀n kakajẹ Nuwhàsun 20111. Ewọ yin dopo to hagbẹ tonudọgbẹ́ People's Democratic Party (PDP) tọn lẹ mẹ.

Akinyede plọnnu to King's College, to Awọnlin. E mọ gbedewema tintan yí to osẹ́n mẹ, bo pegan taidi whẹ̀yidọtọ de, bosọ mọ gbedewema titengbe de yí to osẹ́n mẹ. E wazọ́n taidi whẹ̀yidọtọ de. To nukọn mẹ, e yin dide taidi azinponọ hagbẹ anademẹtọ wehọmẹ alavọ tọn na Michael Okpara University of Agriculture to Umudike. Ewọ yin dopo to hagbẹ Constituent Assembly lẹ tọn mẹ to 1998 podọ National Political Reform Conferenceto 2005. To whenuena e lẹzun Osẹn-Namẹtọ de godo, e yin dide nado wadevizọn to wedegbẹ́ he tindo kanṣiṣa hẹ osẹ́n-zọ́n lẹ, jlọjẹ gbẹtọ tọn lẹ po whẹho osẹ́n tọn lẹ po,tatọ́-tònọ otò lọ tọn, amasin adínọ lẹ, amasin-adínọ he jẹagọdo osẹ́n lẹ, gọna ajojijẹ gandudu tọn.

To Nuwhàsun 2009, to dogbigbapọnna afọzedaitọ lẹ whenu, linlinwe ThisDay na linlin dọ Akinyede ko ze diọdo lẹ donukọnna osẹ́n Economic and Financial Crimes Commission, Independent Corrupt Practices and Other Related Offences Commission, po National Drug Law Enforcement Agency po tọn lẹ. E ko sọ nọgodona nuzedonukọnnamẹ devo lẹ bosọ tindo mahẹ to hodọdopọ lẹ mẹ to wedegbẹ́ lọ mẹ. To Abọ̀húsun 2009, Akinyede dọ dọ gandudu Nigeria tọn dona ze afọdide vonọtaun de nado didẹ nuhahun mẹhodu tọn to otò lọ mẹ.