Simon Ajibola
Simon (kavi Simeon) Ajibola lẹzun Osẹn-Namẹtọ na agbegbe Hùwaji Kwara tọn to Ayimatẹn Kwara tọn, to Ayidosun 2004, bosọ yin dide whladopo dogọ to 2007. E yin dopo to hagbẹ tònudọgbẹ́ People's Democratic Party (PDP) tọn lẹ mẹ.
Vuwhenu po wepinplọn po
[jlado | jla asisado]Ajibola plọnnu gando akuẹzinzan họgbigbá tọn go bo mọ gbedewema yí to Wehọmẹ Alavọ Ahmadu Bello tọn, to Zaria, to 1979.
Agbasazọ́n tonudidọ tọn
[jlado | jla asisado]E yin afọzedaitọ de yì opli National Constitution Conference tọn to 1994 po 1995 po ṣẹnṣẹn. To ojlẹ he mẹ Awhàngán Sani Abacha to tito basi nado diọ tito gandudu lọ tọn, tẹnpọn nado lẹzun Osẹn-Namẹtọ de gbọn tònudọgbẹ́ United Nigeria Congress Party (UNPP) tọn dali. E duto vòbibla lọ, amọ́ vòbibla lọ yin hùzẹdeji to okú Awhàngán Abacha tọn godo to Ayidosun 1998.[1]
To Nigeria lẹkọyi gandudu democracy tọn godo to 1999, Ajibola sẹ̀n taidi Nukunpedonugotọ Revenue Mobilization, Allocation and Fiscal Commission tọn sọn 2001 jẹ 2002.
To Lidosun 2003, e tẹnpọn nado mọ otẹn de to Wedegbẹ́ Tonudidọ tọn mẹ nado ze afọ Hùwaji Kwara tọn dai yí ṣigba bo hẹn otẹn lọ bu do alọ Suleiman Makanjuola Ajadi he yin dopo to hagbẹ tonudọgbẹ́ All Nigeria Peoples Party (ANPP) tọn lẹ tọn mẹ. To Ayidosun 2004, whẹdatẹn whẹ̀-vọ́-ylọ vòbibla tọn zẹhudo awhàngbigba Ajadi tọn bo lá Ajibola taidi mẹhe gbawhàn lọ. Ajibola yin dide whladopo dogọ to 2007. E wazọ́n to wedegbẹ́ Senate tọn lẹ mẹ na asisa osin tọn, asisa amì odòglọ tọn, hihọ́ po nuyọnẹn po, gọna glelilẹ. To Nuwhàsun 2009, linlinwe de he nọ yin ThisDay na linlin dọ emi ma ze linlẹn osẹ́n tọn depope donukọnnamẹ to owhe he wayi mẹ bo ma tindo mahẹ sọmọ to nudindọn Wedegbẹ́ Tonudidọ tọn tọn lẹ mẹ, ṣigba emi yin zohunhunnọ to azọ́n wedegbẹ́ tọn mẹ.[2]
Ajibola tẹnpọn whladopo dogọ nado mọ otẹn lọ to vòbibla 9 Lidosun 2011 tọn yí bo duto vòbibla lọ nado yin dopo to hagbẹ Wedegbẹ́ Tonudidọ tọn lẹ whla atọ̀ntọ.[3] To Awewesun 2014, e duto vòbibla bẹjẹeji PDP tọn nado lẹzun vòbibla-yitọ ayimatẹn-gán Kwara tọn to vòbibla 2015 tọn. E dopagbe nado na mẹdekannujẹ Opli Gandudu Dokọ̀ tọn 16 he tin to ayimatẹn lọ mẹ dogọ eyin e yin dide taidi ayimatẹn-gán.
To vòbibla gbangba 2015 tọn, Abdulfatah Ahmed wẹ tindo suhugan vòbibla lẹ tọn na ayimatẹn-gán. Osẹn-Namẹtọ Ajibola ze whẹho de do alọmẹ to whẹdatẹn nado pehẹ kọdetọn vòbibla lọ tọn. Whẹdatẹn Daho Akọta tọn lọ gbẹ́ whẹho lọ dai, bo dọ dọ Ajibola ma tindo jlọjẹ nado hẹn whẹho lọ wá gba.[4]
Alọdlẹndonu lẹ
[jlado | jla asisado]- ↑ Tunde Sanni (Jun 7, 2010). "Battle Before a Deposed Senator". ThisDay. Archived from the original on 2012-03-06. Retrieved 2025-05-01.
- ↑ "An Improved Senate, But Some Uninspiring Senators..." ThisDay. 24 May 2009. Retrieved 2025-05-08.
- ↑ "Official Result; Kwara PDP Gubernatorial Primaries". PDP Kwara State Chapter. Archived from the original on 2014-12-31. Retrieved 2025-05-09.
- ↑ "Appeal Court upholds Ahmed's election as Kwara Governor".