Seychelles/guw-bj

Gun

(Bénin)

Gun (Gungbe)

Cet article est écrit en Gun (Bénin) This article is written in Gun (Bénin)

Seychelles
Tatɔ́-tònɔ	Victoria
Lɛdó	451 km²
Gbɛtɔ̀ Sɔxa Lɛ	84,000 ab. (2019)

Seychelles nyí otò ɖé to Aflika, kpóɖɔ é tin to Oxù Inɖe tɔn ji. Victoria wɛ nyí tatɔ́-tònɔ etɔn. Ogbè tangan lɔ lɛ wɛ Creole-gbè, Glɛnsigbe, kpó Flansegbe kpó. Toxɔluɖuta ɖé wɛ é nyí, kpóɖɔ é tindó lokpó 115.

Seychelles kpó lokpó xe tin to xùwaji lɛ kpó, tayiɖi Madagascar kpó Mauritius kpó, yemɛkpó ná dótɛnmɛ kanlinmɔgbenu gbɔn osɛ́n dali, kpóɖɔ yé nyí akpaɖexwe ajɔ́ afanumɛ lɛ tɔn. Suhúgǎn gbɛtɔ́ lɛ tɔn wɛ nyí kúnkan afanumɛ xe nyí tuntunɖote lɛ tɔn, xe sɔxa yětɔn yì 90 to kanweko ji tòvi lɛ tɔn. Susu yětɔn sɔ wá sɔ́n ogán afanumɛ xe nɔ yinuwa xɛ tɔgbo yětɔn lɛ kpó kannyiylan kpó lɛ tɔn dè. Jonɔ vuɖe wɛ wá sɔ́n Europe, Chine kpó Inde kpó. Suhúgǎn gbɛtɔ́ lɛ tɔn wɛ nyí Katoliki Lomu tɔn lɛ, kpóɖɔ nuɖi gbɛtɔ́ 90 to kanweko ji wɛ tin to yé mɛ. Nuɖi gbɛtɔ́ 8 to kanweko ji wɛ nyí Plɔtɛstant lɛ.

Lokpó kpó ayigba xe sɛkpɔ yé ɖevo lɛ kpó wɛ Zanzibar to hwèyixɔ-waji, Mauritius, Rodrigues, Agalega, kpó Réunion kpó to xùwaji, kpóɖɔ Comoros kpó Mayotte kpó to xùwaji-hwèyixɔ lɔ. Seychelles tindó nuɖi gbɛtɔ́ 86,525 xe nɔ nɔ̀ finɛ. Sɔxa exe wɛ hwè húgǎn to otò Aflika tɔn ɖékpókpé mɛ.

Hwenuxó otò lɔ tɔn

É nyí linlɛn ɖɔ tɔjihun-kùntɔ Arab tɔn lɛ mɔ lokpó lɔ lɛ to tintan hwenu to oxwe kanweko 7tɔ mɛ. Dodinnanutɔ Portugal-nu Vasco ɖa Ga mɔ lokpó lɔ lɛ to 1502, bo ylɔ yé ɖɔ Mɛmɛsunnu Atɔ̀n (to Portugal-gbè mɛ: Tres Irmãos), cigbǎ é ma dla lokpó lɔ lɛ kpɔ́n gba. British East India Company dla lokpó lɔ lɛ kpɔ́n, cigbǎ yé ma saxwé dó finɛ.

Ayigba kpó lɛdó kpó otò lɔ tɔn

Seychelles tin to agewaji hwèzɛtɛn Madagascar tɔn, kpóɖɔ é tin to nuɖi kilomɛtlu 1,600 dó hwèzɛtɛn Kenya tɔn. Omɛ lɛ nɔ saba ɖɔ ɖɔ sɔxa lokpó lɛ tɔn nyí 115 cigbǎ owě osɛ́n tɔn Seychelles tɔn ɖɔ ɖɔ é nyí 155.

Sɔgbe xɛ togán Nauru tɔn, Seychelles wɛ nyí akɔta cinɛnɛtɔ xe tin to owù mɛ húgǎn ná singigɔ ninɔmɛ aimɛ tɔn ɖyɔ́ wutu.

Ɖélɛ to agbegbe Seychelles tɔn lɛ mɛ wɛ: Anse Boileau, Takamaka kpó Cote D’Or kpó.

Agbegbe anaɖenanu tɔn lɛ

Seychelles nyí mimá dó agbegbe anaɖenanu tɔn koatɔ́n mɛ. Agbegbe anaɖenanu tɔn cinatɔ̀n to exelɛ mɛ wɛ tatɔ́-tònɔ Seychelles tɔn. Yé nɔ nyí yiylɔɖɔ Victoria Ɖaxo lɔ. Agbegbe anaɖenanu tɔn 14 ɖevo lɛ nyí kpinkpɔnhlan tayiɖi gbétatò lokpó tangan Mahé tɔn. Agbegbe awe tin to Praslin ji kpó agbegbe ɖokpó to La Digue ji kpó, kpóɖɔ yé sɔ bɛ lokpó kpɛvikpɛvi xe sɛkpɔ yé lɛ hɛn. Lokpó gbonu tɔn lɛ ma nɔ nyí kpinkpɔnhlan tayiɖi akpaɖexwe agbegbe ɖékpókpé tɔn gba.

Ninɔmɛ akwɛ́zinzan tɔn

To ojlɛ glelilɛ tɔn, kinamɔni, vanilla, kpó agɔnkɛ kpó wɛ nyí sisà hlan tògodó. To 1960 lɛ, nuɖi gbɛtɔ́ 33 to kanweko ji azɔ́nwatɔ lɔ lɛ tɔn wɛ nɔ wazɔ́n to ogle lɛ mɛ, kpóɖɔ gbɛtɔ́ 20 to kanweko ji wɛ nɔ wazɔ́n ná ganɖuɖu. To 1971, to hwenuena Agahun-Glintɛn Ɖaxo Seychelles tɔn xùn, gbejizɔnlin saɖiɖi tɔn lɛzun ajɔ́ sinsinnyɛ ɖé.

Ogbé lɛ kpó kanlin lɛ kpó

Tayiɖi lɛdó lokpó xe ma lodó susu lɛ tɔn, Seychelles hɛn kanlin kpó ogbé wunmɛ voovo lɛ kpó bu to hwenuena gbɛtɔ́ lɛ cɛcɛ wá. Hɛnbu exe bɛ suhúgǎn oklò ɖaxo xe wá sɔ́n lokpó osé tɔn ji lɛ tɔn gbigbà hɛn.