Sahara/guw-bj
|
Cet article est écrit en Gun (Bénin) |
Danfafa Sahara tɔn, xe tin to agewaji Aflika tɔn, wɛ nyí danfafa xe klohúgǎn to ayigba blebu ji kpóɖɔ ewɔ sɔ wɛ danfafa xe hunmiɔn húgǎn. Gbiblo danfafa Sahara tɔn dlɛnkan gbɔn otò susu mɛ kpóɖɔ exe bɛ otò lɛ tayiɖi Morocco, Algeria, Tunisia, Libya, Egipti, Mauritania, Mali, Niger, Chad, kpó Sudan kpó hɛn. Susu fie é dlɛnkan gbɔn lɛ tɔn wɛ gbɛtɔ ma nɔ nɔ, cigbǎ mɛɖelɛ kpénugo nadó nɔ adà xe mɛ osin tin te lɛ. Danfafa Sahara tɔn gblo sɔ kilomɛtlu livi cinɛnɛ to adà etɔn ɛnɛ lɛ dókpóɖokpó mɛ. To ojlɛ ɖé mɛ wayi, danfafa exe wá fa sɔ mɔ bɔ jinukún lɛ sɔgan wú to lɛdó etɔn ɖélɛ mɛ cigbǎ to nukɔnmɛ, é sɔ vɔ xú hwlaɖokpódógɔ. danfafa Sahara tɔn wɛ nyí fie hunmiɔn húgǎn to ayigba blebu ji cigbǎ é ma nyí ewɔ wɛ fie xú húgǎn. Danfafa xe xú húgǎn wɛ danfafa "Atacama" tɔn xe tin to xuwaji Amɛlika tɔn.
Ninɔmɛ aimɛ tɔn danfafa lɔ tɔn
[jlado | jla asisado]Ninɔmɛ aimɛ tɔn saxara tɔn nyí dókpó to ɖéxe sin-ɛn húgǎn to ayigba ji lɛ mɛ. Jikun vuɖe wɛ nɔ ja to lɛdó danfafa saxara tɔn, jɛxon axizi sɔ nɔ sɔawuxya sɔn ojlɛ ɖé jɛ ɖévo mɛ. To lɛdó danfafa lɔ tɔn ɖélɛ ji, jikun sɔgan nɔ ma ja ná nuɖi oxwe dókpó blebu. To alunlun hwenu, xixla nɔ sù tawun to okle. To avivɔ-hwɛnu, fifa nɔ tin tawun to agewaji danfafa lɔ tɔn, kpóɖɔ to xuwaji, ninɔmɛ lɔ nɔ kpɔnte kpɛɛɖe. Osin-ago nɔ ja to lɛdó osó tɔn etɔn lɛ ji to hweɖelɛnu.
Lɛdó
[jlado | jla asisado]Osó xe yiaga húgǎn to danfafa saxara tɔn wɛ 'Emi Koussi' xe yiaga sɔ mɛtlu 3415. osin-ago nɔ ja to lɛdó osó tɔn xe yiaga tawun lɛ, é tlɛ nyí to alunlun hwenu. Osó tangan xe tin to lɛdó lɔ mɛ wɛ osó 'Atlas' tɔn xe tin to Algeria. Fixe yiɖo húgǎn to lɛdó saxara tɔn mɛ wɛ "The Qattara Depression" xe tin to Egipti. Otɔ susu wɛ jugbɔn danfafa Sahara tɔn ji. Etomɔco, susu nɔ sɔawuxya bo sɔ nɔ busɛ to ojlɛ voovo lɛ mɛ, cigbǎ otɔ 'Nile' tɔn kpó otɔ "Niger" tɔn kpó ma nɔ xú.