Peter Scolari
.jpg)
Peter Thomas Scolari (azán wiawetọ Zósun, owhe 1955 tọn jẹ azán konukunawetọ Kọyànsun, owhe 2021 tọn) yin aihundatọ sinimọto tọn he wá sọn otò Amẹlika tọn mẹ. E yin yinyọnẹn taidi, Micheal Harris to sinimọto lọ Newhart he mẹ e sọawuhia te sọn owhe 1984 jẹ 1990, podọ e sọ zan yinkọ Henry Desmond to sinimọto lọ Bosom Buddies mẹ sọn owhe 1980 jẹ 1982. Mọdopolọ e sọ sọawuhia taidi Billy the lonely Boy to sinimọto he yin bibasi to owhe 2004 he ye nọ ylọ dọ The Polar Express mẹ. Scolari mọ gigopanamẹnu yí to owhe 2016 to sinimọto Girls tọn mẹ fie e zan yinkọ lọ Tad Horvath te. Scolari kú gbọn azọ̀n ylankan he nọ yin leukemia dali, to otò New York tọn mẹ. E tindo owhe 66. Owhe awè wẹ e do jẹ azọ̀n lọ na whẹpo do kú. Scolari dà asi voovo ẹnẹ. E dà asi tintan Lisa Kretzehmar to 1981 ṣigba yé tún alọwle lọ́ to 1983. E dà asi awetọ Debra Steagal to 1986, alọwle lọ sọ tún to 1996. E sọ dà asi atọ̀ntọ́ Cathy Trien to 1998 bọ yé nọpọ́ jẹ 2004. Owhè 2013 wẹ e dà asi ẹnẹtọ́ Tracy Shayne te. Scolari ji ovì ẹnẹ.