Pauline Smith
|
Cet article est écrit en Gun (Gungbe) |
Pauline Janet Smith (he yin jiji to 2 Lidosun 1882 bo basi matintọ to 29 Alunlunsun 1959) yin wekàntọ he wa sọn South Africa, otànwe kàntọ podo otàn kàntọ aihundida tọn.
Gbẹzan etọn
[jlado | jla asisado]Pauline Smith yin jiji to 2 Lidosun 1882 to Oudtshoorn, South Africa, bo whẹn do Little Karoo mẹ. E wọ wẹ yin mẹho to oviyọnnu awe he yin jiji na Herbert Urmson Smith he yin doto to yovotomẹ podo asi etọn Jessie he wa sọn Aberdeen po. To whenuena e tindo owhe 13 e yin sisẹ do wehọmẹ he nọ wleawu núdùdù po adọtẹn po to Scotland. Smith ma nọ South Africa na ojlẹ dindẹn ṣigba to gbẹzan etọn whenu e basi dlapọn ojlẹ gáá tọn do otò lọ mẹ. Dlapọn etọn to owhe 1913 jẹ 1934 podo kàndai etọn he e whla po wẹ yin dodonu otàn susu gando The Little Karoo podo otànwe etọn he nọ yin The Beadle po go.
To owhe 1908 e pe yovo otànho kàntọ lọ Arnold Bennett he na ẹ tuli nado nọ kàn otàngbló gando South Africa go. Dile ojlẹ lẹ to yíyí e basi zinjẹgbonu kàndai etọn tọn e he wa yin yinyọnẹn ganji na: bladopọ otàn etọn The Little Karoo (1925), podo the novel The Beadle (1926) po.
E sọ yin họntọn Frank Swinnerton tọn. E basi matintọ to 29 Alunlunsun 1959 to Dorset, England. Bladopọ owe etọn delẹ yin hinhẹndote to wehọmẹ daho Cape Town tọn.
Alọdlẹndonu lẹ
[jlado | jla asisado]