Patricia Fresen
|
Cet article est écrit en Gun (Gungbe) |
Yẹwhenọ Patricia Fresen (he yin jiji to 7 Awewemẹ 1940 bo basi matintọ to 3 Zósun 2004) yin wekàntọ tovi South Africa tọn de, sinsẹnnuplọnmẹtọ Katoliki tọn gando Jiwheyewhe go podọ yẹwhenọ-yọnnu dai tọn.
Gbẹzan etọn
[jlado | jla asisado]Mẹjitọ etọn lẹ wa sọn oto Germany podo Ireland po. To wehọmẹ godo, Fresen lẹzun dopo to hagbẹ anademẹtọ Dominican tọn. Fresen plọn sinsẹnnuplọnmẹ gando Jiwheyewhe go, to enẹgodo e lẹzun mẹplọntọ. Fresen him sisẹ do oto Rome tọn mẹ nado plọn gando Jiwheyewhe podo sinsẹn bibasi po go. E wazọ̀n to Pretoria to wehọmẹ Katoliki tọn de mẹ nado plọn sunnu lẹ nado lẹzun yẹwhenọ, mẹplọntọ to sinsẹnwhe lẹ mẹ, nupinplọn sinsẹn tọn to alihò he jẹ mẹ. To godo mẹ e plọn mẹ lẹ to wehọmẹ St Augustine's College tọn mẹ to Johannesburg. Bishop Romulo Antonio Braschi basi hùnwhẹ de to sinsẹnhọ mẹ nado lẹ Fresen zun yẹwhenọ to Barcelona to owhe 2003. Adà Sinsẹn Katoliki tọn he nọ wlebona nuplọnmẹ to sinsẹnhọ mẹ ko basi nulila to dai dọ tintẹnpọn nado hẹn yọnnu lẹ zun yẹwhenọ gbọn Romulo Braschi dali ma tindo dagbe depope na sinsẹn lọ podọ na enẹwutu e ko yin didesẹ podo mẹhe e lẹzun yẹwhenọ lẹ po sọn hagbẹ Katoliki tọn mẹ taidi yasanamẹ na nuṣiwa etọn nado lẹ yọnnu lẹ do yẹwhenọ podo mahẹ tintindo etọn nado gbà pọninọ he tin to sinsẹnhọ lọ mẹ. Hopodona wekàntọ he wa sọn Germany podo sinsẹnnuplọnmẹtọ daho Gisela Forster podo Ida Raming po, Fresen wẹ yin nukọntọ na ogbẹ "Yẹwhẹno yọnnu Katoliki" lẹdo aihọnpe tọn ehe nọ basi alọgọ na yọnnu lẹ nado lẹzun yẹwhenọ to sinsẹnhọ Katoliki tọn mẹ, ṣigba nado lẹ yọnnu zun yẹwhenọ todin ma yin alọkẹyi to sinsẹnhọ̀ Katọliki tọn mẹ.
Alọdlẹndonu lẹ
[jlado | jla asisado]