Mushin

Mushin yin lẹdo gandudu dòkọ tọn de to Awọnlin, to Nigeria. E tin to nudi kilomẹtlu 10 do agewaji tòdaho lọ tọn, enẹgodo aliho he planmẹ yì Ikeja lọ ji. Nọtẹn he nọ gọ́ na gbẹtọ lẹ fihe mẹ mẹsusu nọ nọ̀ wẹ e yin, po adàdo he ma yọ́n sọmọ lẹ po gọna owhé he ma lodo sọmọ lẹ. To Mẹhihia 2006 tọn mẹ, gbẹtọ 633,009 wẹ tin to finẹ. Susu hànjitọ he diyin lẹ tọn, taidi Wande Coal, sọ wá sọn Mushin ga.

Ohọ̀ lẹ, ali lẹ, po gbẹtọ lẹ po

To whenue Nigeria jẹ mẹdekannu sọn Britain to 1960 godo, mẹsusu sẹtẹn yì lẹdo he ma dẹn do ṣẹnṣẹn tòdaho lọ tọn lẹ mẹ. Ehe zọ́n bọ mẹsusu nọ nọ̀ lẹdo lọ mẹ. Na ehe tọn wutu, adàdo ylankan lẹ po owhé he ma ko pé lẹ po nọ hẹn gbẹninọ vẹawu. Ṣigba to whenue Nigeria jẹ susudeji ji to azọ́nwhé lẹ mẹ, Mushin mọ ale susu yí sọn jideji lọ mẹ. Azọ́nwhé lẹdo lọ mẹ tọn susu wẹ tin taidi sékanfun linlọn, afọpa bibasi, zòkẹkẹ po kẹkẹ-afọ tọn po bibẹpli, po afínfín anọ́sin tọn bibasi po. Azọ́n glelilẹ tọn gbẹ́ nọ yin wiwà, podọ ahi núdùdù tọn daho de gbẹ́ tin to lẹdo lọ mẹ.

Tòpẹvi lọ tindo dotowhé lẹ po wehọmẹ lẹ po, kakajẹ wehọmẹ daho. Mushin tin to aliho de ji he kọ̀n Awọnlin, Shomolu, po Ikeja po dopọ te. Suhugan mẹhe nọ nọ̀ finẹ lẹ tọn wẹ yin Ayọnu, enẹwutu Ayọgbe wẹ yin ogbè tangan he nọ yin dido lọ.