Lynn Freed

Gun

(Gungbe)

Cet article est écrit en Gun (Gungbe)
This article is written in Gun (Gungbe)

‎Lynn Freed (he yin jiji to 18 Liyasun 1945, bo kú to 9 Nuwhàsun 2025) yin nawe wekantọ de he wá sọn Afrique du Sud. E mọ nunina dagbe dagbe wunmẹ voovo lẹ yí na wekinkan etọn, taidi nunina Katherine Anne Porter tọn. ‎ ‎Wekantọ hatọ etọn devo de he nọ yin Anne Lamott dọ dọ " wekantọ dagbe de he yọnnú-in taun de wẹ e yin". ‎

Otàn gbẹzan tọn

‎Lynn Freed yin jiji to Durban, Afrique du Sud, bosọ whẹ́n to finẹ. E wá yì New York to whenue e fó wehọmẹ alavọ tọn bo mọ gbedewema yí to wehọmẹ alavọ Colombie tọn godo. ‎ ‎To tẹnsisẹ yì San Francisco godo, e kàn owe etọn tintan, Heart Change (he wá yin vivọ-zinjẹgbonu taidi Friends of the Family). E zín owe ṣidopo devo lẹ jẹgbonu: Home Ground, The Bungalow, The Mirror, House of Women, The Servants' Quarters po The Last Laugh po. E sọ zín bladopọ otàn kleun delẹ tọn jẹgbonu dogọ, yèdọ The Curse of the Appropriate Man po bẹplidopọ nukinkan tọn awe po: Reading, Writing & Leaving Home: Life on the Page po The Romance of Elsewhere po. ‎ ‎Otànwe kleun kleun Freed tọn lẹ sọawuhia zinjẹgbonu voovo lẹ mẹ taidi: Harper's, The New Yorker, The Atlantic Monthly, Narrative Magazine, Ploughshares, Southwest Review, Michigan Quarterly Review, The Santa Monica Review, The New York Times, The Washington Post, The Wall Street Journal, Newsday, Mirabella, Elle, House Beautiful, House & Garden, Travel & Leisure po Vogue po, gbọnvona fidevo lẹ. Owe etọn lẹ yin lilẹdo ogbè susu mẹ. ‎

Nunina lẹ

‎To 2011, Freed mọ nunina de yí na otàn kleun etọn, "Sunshine", podọ to 2015, e mọ nunina devo yí na otàn etọn “The Way Things Are Going”. E sọ mọ nunina voovo devo lẹ yí na azọ́n etọn lẹ. ‎ ‎Freed wá kú to owhé etọn gbè to Sonoma, Californie, to 9 Nuwhàsun 2025. ‎‎

Azọ́n etọn lẹ

"The Romance of Elsewhere" (2017)
"The Last Laugh" (2017)
"The Servants' Quarters" (2009)
"Reading, Writing & Leaving Home: Life on the Page" (2005)
"The Curse of the Appropriate Man, Stories" (2004)
"House of Women" (2002)
"The Mirror" (1997)
'The Bungalow' (1993)
'Home Ground' (1986)
'Friends of the Family' ('Heart Change', to whenue e yin zinzinjẹgbonu tintan, 1982)

Alọdlẹndonu lẹ

‎