Lamidi Adedibu
Akọ̀-gán Lamidi Ariyibi Akanji Adedibu (he yin jiji to 24 Kọ́yànsun 1927 bo kú to 11 Ayidosun 2008) yin nukọntọ tonudidọ tọn nukundeji de to Ayimatẹn Oyo tọn mẹ, to Nigeria. Togán dai tọn Olusegun Obasanjo ylọ ẹ dọ "otọ́ PDP tọn".
Otàn gbẹzan tọn
[jlado | jla asisado]Adedibu yin jiji to 24 Kọ́yànsun 1927 to Oja-Oba, to Ibadan. E wá sọn kúnkan ahọlu Olupoyi tọn mẹ.[1] E biọ tonudidọ mẹ to owhe 1950 lẹ mẹ gbọn awukinkọndopọ hẹ Ibadan People’s Party dali.[2] To nukọn mẹ, e sẹtẹn yì Action Group he yin anadena gbọn Akọ̀-gán Obafemi Awolowo dali. To enẹgodo, e lẹzun hagbẹ National Party of Nigeria (NPN) tọn, bo wazọ́n hẹ Akọ̀-gán Adisa Akinloye po Akọ̀-gán Richard Akinjide po. To gandudu Awhàngán Ibrahim Babangida tọn whenu, e lẹzun huhlọnnọ dogọ to tonudidọ-liho. E nọgodona Awhàngán Shehu Musa Yar’adua to Social Democratic Party mẹ to pọmẹ hẹ nukọntọ lẹ taidi Babagana Kingibe, Atiku Abubakar, po Abdullahi Aliyu Sumaila po. Gbẹtọ lẹ dọ dọ e yí alọgọ po huhlọn po zan to tonudidọ-liho etọn mẹ, enẹwutu mẹdelẹ nọgodona ẹn sinsinyẹn, to whenuena mẹdevo lẹ diọnukunsọ ẹ sinsinyẹn.
Mẹdelẹ dọ dọ mẹdepope ma sọgan mọ otẹn tonudidọ tọn de to Ayimatẹn Oyo tọn mẹ matin alọkẹyi etọn. Enẹ wẹ zọ́n bọ gbẹtọ lẹ ylọ ẹ dọ "omẹ huhlọnnọ tonudidọ Ibadan tọn lọ". Visunnu etọn, Kamorudeen Adekunle Adedibu, lẹzun Osẹn-Namẹtọ de na Hùwaji Oyo tọn to Lidosun 2007.[3]
Osẹn-Namẹtọ Teslim Folarin, he ze afọ Ṣẹnṣẹn Oyo tọn dai, yin dopo to mẹhe e plọnazọ́n lẹ mẹ.[4] Omẹ devo wẹ Rasheed Ladoja, he lẹzun ayimatẹn-gán Oyo tọn to Nuwhàsun 2003. Ṣigba to Avivọsun 2004, Adedibu po Adedibu po to avùnho do mẹhe dona de gbẹtọ lẹ na azọ́n gandudu tọn lẹ ji.
Adedibu kú to 11 Ayidosun 2008 to University College Hospital, to Ibadan. To okú etọn godo, dopo to hagbẹ whẹndo etọn tọn he tin to hukan gandudu tọn ji lẹ mẹ yí tẹnmẹ-yinkọ etọn, yèdọ Ekarun Ibadan tọn.
Alọdlẹndonu lẹ
[jlado | jla asisado]- ↑ Femi Ajayi. "THE DEMISE OF A LEADER: THE CONSPIRACY THEORY OF THREE STOOGES AND SOME NIGERIANS". NigeriaWorld. Archived from the original on 2012-03-07. Retrieved 2025-05-22.
- ↑ "The ghost of Lamidi Adedibu, By Oladeinde Olawoyin". 2021-11-29. Retrieved 2025-05-22.
- ↑ "There is No Democracy to Celebrate - Adedibu". Daily Independent. 29 May 2009. Retrieved 2025-05-22.
- ↑ Emmanuel Aziken (13 July 2009). "Presidency is snubbish of National Assembly —Senator Folarin, Senate Leader". Vanguard. Retrieved 2025-05-22.