Joyce Chitsulo/guw-bj
|
Cet article est écrit en Gun (Bénin) |
Joyce Chitsulo (xe nyí jiji to 27 Nuxwàsun 1978, bo kú to 6 Ayiɖosun 2025) nyí tònuɖɔtɔ ɖé xe wá sɔn Malawi. É wá sɔn hwèyixɔ-waji Mwanza tɔn bo nyí hagbɛ tonuɖɔgbɛ Democratic Progressive Party tɔn. É ɖéanana Weɖegbɛ Hwɛxo gbangba tɔn bo wá lɛzun ogán ɖé to godó mɛ.
Otàn etɔn
[jlado | jla asisado]Joyce Chitsulo ɖéanana weɖegbɛ ɖé xe nɔ nyí PAC, bɔ Francesca Masamba nyí akpaɖexwe etɔn. To 2020, Chitsulo jɛhwɛ Masamba tɔn ná ogbɛ xe nɔ dinɖóná hwɛxo mɛxoɖu tɔn bo ɖɔɖɔ é xomɛɖu. Masamba nyí wiwle ná mɛɖe ɖɔ ɖɔ é byɔ akwɛ I to emi si nadó gɔalɔna emi nadó mɔ agbasazɔn ɖé.
To 2023, Joyce Chitsulo kpó Ashems Songwe kpó kànwe gandó xosɔ ɖé go. Yé ɖɔ ɖɔ nuxahun azɔn Choléra tɔn to Malawi ɖóná nyí ɖiɖiɖɛ ná ɖagbe. To xoɖiɖɔ ɖé tɛnmɛ to Nations Unies, New York, yé jlo ɖɔ otò lɛ ni wazɔn ɖokpɔ nadó hɛn ninɔmɛ wiwejininɔ tɔn kpɔnte dógɔ. Azɔn Choléra to gán nyí hinhɛngbɔ amɔ osin ɖagbe kpó wiwejininɔ ɖagbe kpó wɛ ná hɛn ɛn nyɔbasí. To kpaa mɛ, omɛ 10 wɛ nɔ kú to oxwe ɖokpóɖokpó mɛ to Malawi ná Choléra wutu, amɔ todin, gbɛtɔ 1500 wɛ nɔ kú. Malawi jlo ná vɔ exe jladó, cigbǎ é tindó nuhudó alɔgɔ tɔn.
To 2024 , ganɖuɖu lɔ ɖɔxo gandó gbɛtɔ fɔtɔn susu lɛ didóhlan nadó yí wazɔn to Israël go. Mɛɖelɛ ma yiwǎnna linlɛn lɔ ná tònuɖɔtɔ lɛ tindó maxɛ to ajɔwiwa mɛ wutu. Joyce Chitsulo ko yì Israël nadó yì kpɔn lexe tòvi Malawi tɔn lɛ to azɔnwa to finɛ dó É ɖɔ ɖɔ yé wule sinsinnyɛ, cigbǎ ná yé dónùkún nususu bo ma yɔn xoɖɔ ganji wutu wɛ zɔn. Ayimatɛn-gán ɖevo xe nɔ nyí Bertha Mackenzie Ndebele ɖɔ ɖɔ jɔja susu to lɛdó etɔn mɛ ma tindó agbasazɔn, enɛwutu é nɔgoɖóná tito lɔ.
Okú etɔn
[jlado | jla asisado]Joyce Chitsulo bɛ azɔn to oxwé etɔn gbè bo kú to 6 Ayiɖosun 2025. Oxwe 47 wɛ é tindó. Ogán ɖé, yèɖɔ Monica Chang'anamuno, ɖɔ ɖɔ Joyce nyí omɛ tangan ɖé ná Mwanza kpó Malawi kpó. Vinyɔnu etɔn, Maureen Chirwa, basí ɖiɖe nadó hwlɛnagbà ná gántɛn ɖé to vòbibla 2025 tɔn hwenu, é ka ɖuto eji.