Joyce Chitsulo
|
Cet article est écrit en Gun (Gungbe) |
Joyce Chitsulo (he yin jiji to 27 Nuwhàsun 1978, bo kú to 6 Ayidosun 2025) yin tonudọtọ de he wá sọn Malawi. E wá sọn whèyihọ-waji Mwanza tọn bo yin hagbẹ tonudọgbẹ́ Democratic Progressive Party tọn. E deanana Wedegbẹ́ Whẹho gbangba tọn bo wá lẹzun ogán de to godo mẹ.
Otàn etọn
[jlado | jla asisado]Joyce Chitsulo deanana wedegbẹ́ de he nọ yin PAC, bọ Francesca Masamba yin apadewhe etọn. To 2020, Chitsulo jẹwhẹ Masamba tọn na ogbẹ́ he nọ dindona whẹho mẹhodu tọn bo dọdọ e homẹdu. Masamba yin wiwle na mẹde dọ dọ e biọ akuẹ I to emi si nado gọalọna emi nado mọ agbasazọ́n de.
To 2023, Joyce Chitsulo po Ashems Songwe po kànwe gando hosọ de go. Yé dọ dọ nuhahun azọ̀n Choléra tọn to Malawi dona yin dididẹ na ɖagbe. To hodidọ de tẹnmẹ to Nations Unies, New York, yé jlo dọ otò lẹ ni wazọ́n dopọ nado hẹn ninọmẹ wiwejininọ tọn pọnte dogọ. Azọ̀n Choléra to gán yin hinhẹngbọ amọ́ osin dagbe po wiwejininọ dagbe po wẹ na hẹn ẹn yọnbasi. To paa mẹ, omẹ 10 wẹ nọ kú to owhe dopodopo mẹ to Malawi na Choléra wutu, amọ́ todin, gbẹtọ 1500 wẹ nọ kú. Malawi jlo na vọ́ ehe jlado, ṣigba e tindo nuhudo alọgọ tọn.
To 2024 , gandudu lọ dọho gando gbẹtọ fọtọ́n susu lẹ didohlan nado yí wazọ́n to Israël go. Mẹdelẹ ma yiwanna linlẹn lọ na tonudọtọ lẹ tindo mahẹ to ajọwiwa mẹ wutu. Joyce Chitsulo ko yì Israël nado yì pọ́n lehe tòvi Malawi tọn lẹ to azọ́nwa to finẹ do E dọ dọ yé wule sinsinyẹn, ṣigba na yé donukun nususu bo ma yọ́n hodọ ganji wutu wẹ zọ́n. Ayimatẹn-gán devo he nọ yin Bertha Mackenzie Ndebele dọ dọ jọja susu to lẹdo etọn mẹ ma tindo agbasazọ́n, enẹwutu e nọgodona tito lọ.
Okú etọn
[jlado | jla asisado]Joyce Chitsulo bẹ azọ̀n to owhé etọn gbè bo kú to 6 Ayidosun 2025. Owhe 47 wẹ e tindo. Ogán de, yèdọ Monica Chang'anamuno, dọ dọ Joyce yin omẹ tangan de na Mwanza po Malawi po. Viyọnnu etọn, Maureen Chirwa, basi dide nado whlẹnagbà na gántẹn de to vòbibla 2025 tọn whenu, e ka duto eji.