Joy Packer
|
Cet article est écrit en Gun (Gungbe) |
Joy Petersen Packer (he yin jiji to12 Afínplọsun 1905, bo kú to 7 Zósun 1977) yin wekantọ de he wá sọn Afrique du Sud.
Otàn etọn
[jlado | jla asisado]Packer yin jiji to Cape Town bo plọn linlin-zọ́n to Wehọmẹ Alavọ tọn de to Cape Town he nọ yin yiylọdọ University of Cape Town. E jẹ azọ́nwa ji taidi linlin-kàntọ vọnu de, enẹgodo e mọ azọ́n de yí taidi linlin-kàntọ na linlinwe nukundeji de to London he nọ yin yiylọdọ The Daily Express to 1931. Enẹgodo, e wazọ́n to ladio ji to Hong Kong bo kanwe na linlinwe lẹ to Balkans. To Wẹkẹ-Whàn II whenu, e dọho to ladio BBC tọn ji na gbẹtọ lẹ to Afrique du Sud. E sọ wazọ́n to Egypte po Italie po na gandudu otò lọ lẹ tọn podọ na awhànpa yetọn. E zingbejizọnlin susu na e wlealọ hẹ Grande - Bretagne - nu de he nọ yin Sir Herbert Packer wutu. To whenue asu etọn wá yin dide do ogan-tẹ̀n mẹ to 1950, mẹlẹ wá nọ ylọ ẹ dọ "Lady Packer".
Azọ́n etọn lẹ
[jlado | jla asisado]E wlanwe gando gbejizọnlin etọn lẹ hẹ asu etọn go, e wlanwe gando lehe núlẹ te do go jẹnukọnna Wẹkẹ Whàn II lọ, to whenue awhàn lọ to yìyì podọ to awhàn lọ godo go. E dla lẹdo delẹ pọ́n taidi Grande - Bretagne, Méditerranée, Balkan, po Chine po. To nukọn mẹ, e basi gbejizọnlin tangan de yì Aflika, he go e wlanwe gando to owe he e wá kàn to nukọn mẹ lẹ mẹ. E wlan owe ṣidopo gando gbejizọnlin etọn lẹ go, heyin zinzinjẹgbonu to gblagbla owhe 1945 po 1964 po tọn.
To ojlẹ 1950 tọn lẹ mẹ, e jẹ owe lẹ kàn ji. Dopo to owe tintan he e kàn lẹ mẹ wẹ "Valley of the Vines" (1955), e gbayipe taun - e sà hugan vọkan 600 000 bo yin lilẹdo ogbè Europe tọn 9 mẹ! Owe etọn lẹ dọhodo owanyi ji, ṣigba yé sọ dọhodo whẹho titengbe delẹ ji to Afrique du Sud to ojlẹ enẹ mẹ. Dopo to owe etọn lẹ mẹ, "Nor the Moon by Night", tlẹ yin bibasi do sinima de mẹ (he nọ yin yiylọdọ "Elephant Gun" to États-Unis).
Owe lẹ
[jlado | jla asisado]* Valley of the Vines (1955) * The High Roof (1959) * Nor the Moon by Night (1957) * The Glass Barrier (1961) * The Man in the Mews (1964) * The Blind Spot (1967) * Leopard in the Fold (1969) * Veronica (1970) * Boomerang (1972) * Dark Curtain (1977)
Numimọ lẹ
[jlado | jla asisado]* Pack and Follow (1945) * Grey Mistress (1949) to HMS Warspite * Apes and Ivory (1953) * Home from the Sea (1963) * The World is a Proud Place (1966) * Deep as the Sea (1975) Otàn Sir Bertie Packer tọn.