Jibril Aminu
Jibril Muhammad Aminu (he yin jiji to Avivọsun 1939), he sọ yin yinyọnẹn taidi Aminu Song, yin mẹplọntọ amasinzọnwiwa tọn po tonudọtọ Nigeria tọn de po.[1] E yin afọzedaitọ Nigeria tọn to Amelika sọn 1999 jẹ 2003. Sọn 2003 jẹ 2011, ewọ yin Osẹn-Namẹtọ de na Ṣẹnṣẹn Adamawa tọn. Ewọ yin dopo to hagbẹ tònudọgbẹ́ Peoples Democratic Party (PDP) tọn lẹ mẹ.
Jiji po wepinplọn po
[jlado | jla asisado]Aminu yin jiji to Avivọsun 1939. E plọn amasinzọ́nwiwa bo mọ gbedewema M.B.B.S. tọn yí sọn Wehọmẹ alavọ Ibadan tọn to 1965. To nukọn mẹ, e mọ gbedewema PhD tọn de yí to amasinzọ́nwiwa mẹ sọn Wehọmẹ Royal Post-Graduate Medical School tọn, to London, to 1972.
E lẹzun Hagbẹ Nigerian Academy of Science tọn to 1972, heyin Hagbẹ Royal College of Physicians tọn, to London, to 1980, podọ Hagbẹ West African College of Physicians tọn de to 1980. To 2004, e yin yiylọdọ Hagbẹ Nukundeji Nigerian Postgraduate Medical College tọn de.
Aminu wazọ́n taidi azọ́nyọnẹntọ dotowhé tọn, mẹplọntọ-gán, mẹhe bọdo ogán oplọn dotozọnwiwa tọn go to University of Ibadan Medical School sọn 1973 jẹ 1975. Sọn 1975 jẹ 1979, E wazọ́n taidi anadenanutọ-gán National Universities Commission tọn.
Ewọ yin mẹplọntọ amasinzọnwiwa tọn jonọ de to Wehọmẹ Alavọ Howard tọn to Washington DC sọn 1979 jẹ 1980. Ewọ yin anadenanutọ-gán to Wehọmẹ Alavọ Maiduguri tọn sọn 1980 jẹ 1985, bosọ wazọ́n to finẹ taidi mẹplọntọ amasinzọnwiwa tọn sọn 1979 jẹ 1995.
Agbasazọ́n tonudidọ tọn
[jlado | jla asisado]Aminu sẹ̀n taidi Agbagogán whẹho wepinplọn tọn, podọ to godo mẹ taidi Agbagogán he nọ penukundo Amì Odòglọ tọn po Adọkunnu Jọwamọ tọn lẹ po go to 1989 po 1992 po ṣẹnṣẹn.
To ojlẹ etọn taidi Agbagogán he nọ penukundo Amì Odòglọ tọn go mẹ, ewọ yin ogán daho African Petroleum Producers' Organization tọn to 1991 podọ ogán daho OPEC Conference tọn sọn 1991 jẹ 1992.
E yin dide taidi afọzedaitọ de yì opli National Constitutional Conference tọn sọn 1994 jẹ 1995.
Sọn 1999 jẹ 2003, ewọ yin afọzedaitọ Nigeria tọn to Amelika.
To 2023, e yin dide do otẹn Wedegbẹ́ Tonudidọ tọn mẹ na Ṣẹnṣẹn Adamawa tọn, bosọ yin dide whladopo dogọ to 2007. Taidi Osẹn-Namẹtọ de, ewọ sẹ̀n to wedegbẹ́ lẹ mẹ na whẹho tògodo tọn lẹ, wepinplọn, awhànfuntọ agahomẹ tọn, po agbasalilo po.
To 2009, linlin de dọ dọ e ma hẹn linlẹn osẹ́n tọn yọyọ lẹ depope wá, ṣigba e tindo mahẹ to hodọdopọ lẹ mẹ bo wazọ́n taun to wedegbẹ́ whẹho tògodo tọn lẹ po wepinplọn tọn po mẹ.[2] To 2 Alunlunsun 2010, e mọ oylọ aṣa “Bobaselu of The Source” tọn yí sọn Ahọlu Sijuwade, yèdọ Ooni Ife tọn.
Gbẹzan mẹdetiti tọn
[jlado | jla asisado]Jibril Aminu ko wlealọ whlaawe. Asi he e tindo to alọnu etọn yin Fatima Bukar Mulima, podọ yé tindo ovi atọ̀n. Asi etọn dai tọn yin Ladi Ahmed he e tindo ovi ṣidopo hẹ.
Visunnu etọn lẹ Bashiru Aminu po Murtala Muhammad Aminu po yin nuyọnẹntọ whẹho akuẹzinzan tọn lẹ po ajọwatọ lẹ po. Dopo to viyọnnu etọn lẹ mẹ, he nọ yin Nana Aminu, yin whẹ̀yidọtọ, podọ devo he nọ yin Aminu Bello yin doto adú-zọ́nwatọ.[3]
Alọdlẹndonu lẹ
[jlado | jla asisado]- ↑ "Between Jibril Aminu and Ooni of Ife". Vanguard. 11 January 2010. Retrieved 2025-05-05.
- ↑ "An Improved Senate, But Some Uninspiring Senators..." ThisDay. 24 May 2009. Retrieved 2025-05-05.
- ↑ "Dad said anyone who has to show diplomatic immunity doesn't deserve it –Prof Jubril Aminu's son". Punch. 30 September 2018. Retrieved 2025-05-05.