Jennifer Lufau/guw-bj
|
Cet article est écrit en Gun (Bénin) |
Jennifer Lufau (xe nyí jiji to 1993) to Togo nyí aihun lanmɛyiya tɔn ɖé, kpóɖɔ azɔ́nnywɛtɔ ɖé to azɔ́nxwé zomɔ wezinzin tɔn lɛ mɛ, xe nyí didóai to Paris, France. Ewɔ wɛ nyí ɖowatɔ aihundida viɖeo ji tɔn lɛ tɔn kpóɖɔ togán azɔ́nxwé ɖé tɔn, yèɖɔ ogbɛ́ ɖé xe nɔ xoavùn sɔta akɔ̀ cincinnya kpó zanxɛmɛ (to alixo agɔ̀ mɛ) to aihundida video tɔn lɛ mɛ bo nɔ tɛnkpɔn nadó ɖɔ̀n ayidónùgo nyɔnu mɛyuu lɛ tɔn húgǎn.
É sɔ nɔ tindó maxɛ to aihundida viɖeo ji tɔn lɛ mɛ bo nɔ tindó maxɛ to yé mɛ. To novembre 1990, Vanity Fair de Jennifer Lufau tayiɖi ɖokpó to "nyɔnu France tɔn lɛ mɛ xe basí lɛdógbeɖevomɛ 2020 " tɔn.
Gbɛzǎn etɔn
[jlado | jla asisado]Jennifer Lufau nyí jiji to Togo to 1993. É hwɛ́n to Bénin, enɛgodo é sɛtɛn yì France lɛdó oxwe cinawe-mɛvi. É nɔ ɖayǐhun video ji tɔn susu to ovu hwenu etɔn. É wazɔ́n tayiɖi aihundatɔ lanmɛyiya tɔn ɖé to Ubisoft ná oxwe awe. Azɔ́nnywɛtɔ ɖé wɛ ewɔ nyí to azɔ́nxwé xe nɔ kpénukúndó zomɔ nuɖɔnamɛ-sɛɖo tɔn lɛ go mɛ, kpóɖɔ todin é nɔ wazɔ́n tayiɖi ayinamɛtɔ ɖé to wunmɛ voovo lɛ mɛ kpóɖɔ to nɔtɛn Internet tɔn lɛ mɛ. To 2016, é yiavunlɔná ɛn dó aihundida video ji tɔn lɛ ji to Obá xe mɛ ogán etɔn nɔ kpénukúndó azɔ̌n xɔ̀gbigbá akɔjɔkpli tɔn etɔn go te. É sɔ nyí wekantɔ azɔ́nnywɛtɔ ɖé tɔn xe xosɔ etɔn nyí “How Big Data is already transforming marketing? », xe nyí zinzinjɛgbonu to juillet 2017.
To hwenuena é gbɛ́ kpò to ovu, é nɔ to ɖɛ́sɔ - ɖɛ́mɛ to azán lɛkpó gbè to wexɔmɛ nadó ɖayǐhun to Prince of Persia. Vinyɔnu ɖékpókpé ma tin xe ná tindó maxɛ to ojlǒ zogbe etɔn mɛ, kpóɖɔ klasigbɛ́ etɔn lɛ ma nɔ ylɔ ɛ ɖɔ xosɔ ɖé gba. To hwenuena é jɛ League of Legends, Mortal Kombat and Tekken. É ma tindó zomɔ nuɖɔnamɛ - sɛɖo tɔn ná ojlɛ dindɛn ɖé gba, kpóɖɔ oxwe atɔ́n kpoun wɛ é tindó bɔ é sɔ jɛ aihunɖa ji hwlaɖokpó dógɔ́. Hwlaɖokpó dógɔ́, é ɖoayi é go ɖɔ ewɔ nyí ɖokpó to nyɔnu jɔja vuɖé xe nɔ ɖayǐhun lɛ mɛ. To hwenue é hwɛ́n mɛxo, kanbyɔ́ ɖévo fɔnɖote ná ɛn: Naegbɔ̌n nyɔnu mɛyuu lɛ dó nɔ ɖayǐhun viɖeo ji tɔn lɛ? Mǐ ná mɔ akwɛ́ xe mǐ ná xɔ̀ xɛ mɛɖevo lɛ to ojlɛ ɖokpólɔ mɛ. É ɖoayi é go ɖɔ nyɔnu kpó mɛyuu lɛ kpó wɛ emi nyí. É ɖukosɔ xɛ omɛ ayiɖego tɔn lɛ to okplò aihundida lanmɛyiya tɔn voovo lɛ ji, kpóɖɔ é yɔ́n kpinkpɛn adà ayiɖéɖayǐ tɔn xe ná ɛn dótɛnmɛ nadó jihɔ́ntɔn susu lɛ tɔn. Cigbǎ, é ma nyí ayihɔ́n xe mɛ yè nɔ xò mɛtɔn kpɔ́n te ninyɛ gba, cigbǎ é ma nyí ayihɔ́n lɔ kpéte. Ná Jennifer Lufau, ná ewɔ nyí nyɔnu mɛyuu ɖé wutu, to ayihɔ́n zanxɛmɛ tɔn xe nɔ fɔ́n ojlǒ zanxɛmɛ tɔn ɖote lɔ mɛ, nuyiwa ɖé wɛ é nyí to éɖé mɛ. É jiya gbɔn xogbe wangbɛná tɔn lɛ yiyizan hwɛxwɛ dali. " Wekun yuu xe to nyinyi ɖiɖetɔ́n lɛ nyí zomɔ xe nɔ basí xihɔ́namɛ tawun ɖé. Nadó ɖakpana ninɔmɛ exe, nyɔnu xe tindó sinmɛ agbasa tɔn susu wɛ nɔ nɔ̀ lɛdó exe mɛ to nyǐkɔ sunnu xe nɔ xò nyǐkɔ sunnu tɔn yí lɛ tɔn glɔ. Wenywɛtɔ lɛ nɔ saba ɖékunnu, cigbǎ mɛxe jiya walɔ akɔ̀ cincinnya tɔn to ayihɔ́n lɔ mɛ lɛ nɔ saba ɖɔ ɖɔ emi nɔ saba jiya akɔ̀ cincinnya tɔn bo nɔ jɛagɔɖo nǔgbó lɔ ɖɔ afɔɖiɖe ɖokpó gee xe é sɔgan ze nadó glɔnalina mɛzunzun wɛ nadó ɖoalɔtena nuyiwaxɛmɛ agɔ̀ lɛ, kpóɖɔ nadó glɔnalina gbɛtɔ́ lɛ. Cigbǎ, omɛ exelɛ gbɛ́ tindó dótɛnmɛ hunɖote lɔ nadó nɔ yí nukúnkpɛvi dó kpɔ́n mɛzunzun ɖokpólɔ lɛ kakadói. Ná ewɔ, é nɔ wá okplò ji nadó ɖidá azɔngban yětɔn lɛ; ɖi akpajlɛ̌, é nɔ dónù onú ovɔ́ lɛ go. Ná nǔgbó tɔn, aihundatɔ lɔ lɛ nɔ wleawuna ayixa wintinwintin susu nadó ɖakpana nuyiwaxɛmɛ agɔ̀ exe. Ɖi akpajlɛ̌, gbɔn nyǐkɔ yětɔn lɛ ɖiɖyɔ́ dali, gbɔn ali xe ji yé nɔ gbɔ̀n lɛ ɖiɖetɔ́n dali kavǐ gbɔn gbɛtɔ́ sunnu lɛ xixò dali, ná exelɛ nɔ nyí hinhɛn lodó dógɔ́, bo nɔ nyí kpinkpɔnhlan tayiɖi mɛxe ma lodó lɛ wutu. É jɛ xosɔ ɖé kàn ji to agbegbe Black Lives Matter tɔn mɛ to gbɔɖo glɔ, exe ji é zín in jɛgbonu dó to Afrogamer, bo ko to hinhɔ̀n sɔ́n avril 20tɔ gbɔ́n. Okpli etɔn lɛ xɛ nyɔnu ɖévo lɛ to ninɔmɛ ɖokpólɔ mɛ ná ɛn dótɛnmɛ nadó ɖɔxodó numimɔ yětɔn lɛ ji. Lexe é dá nyɔnu atɔ̀n ɖévo lɛ dó ninyɛ, to 14 juillet 1990, kpikpli gbɛtɔ́ lɛ tɔn xe tin to "Call me Jane Bond" lɛ, [16] kpó nyawle lɔ kpó nadó hɛn kpɔngbɔ wá ná awugbokpó nyɔnu lɛ tɔn exe gbɔn nyɔnu xe nɔ nyí ahunmɛɖuna lɛ yiyizan tayiɖi nyɔnu lɛ dali, Sɔ́n hwenɛnu gbɔ́n, kpikpli exe ko to nujijla zohunhun tɔn basí nadó hɛn aihundida video ji tɔn lɔ gbayikpé dógɔ́, bo ma tindó maxɛ to akɔ̀ cincinnya kpó zanxɛmɛ kpó mɛ bosɔ to oylɔ basí ná azɔ́nxwé lɛ nadó fɔ́n hwɛxo lɔ ɖote.
To août 2020, adà xe nyí kinklanɖovo tito-to-hwinnu Swiss television channel Radio Télévision Suisse (RTS) tɔn ná ɛn, xe xosɔ etɔn nyí "Vertigo" to linlin ɖé mɛ xe yě nɔ ylɔɖɔ “Being a racialized woman in the sexist universe of video games” to Glɛnsigbe mɛ.