Jamila Nagudu
| Sunnu kavi yọnnu | yọnnu  |
|---|---|
| Jijizan | 10 Avivọsun 1985 |
| Azọ́n etọn | film actor, aihundatọ |
Jamila Umar Nagudu (yin jiji to azán aotọ Avivọsun, owhe 1985 tọn) yin aihundatọ Naijilia Kannywood tọn.[1][2]
Bẹjẹeji gbẹzan etọn tọn podo wepinplọn etọn po[jlado | jla asisado]
Jamila Nagudu yin jiji to azan aotọ avivọsun, owhe 1985 tọn mẹ to Magana Gumau, Toro local government Area ayimatẹn Bauchi yọnu, Naijilia. Jamila yi wehọmẹ dokọtọn podo wehọmẹ daho po to ayimatẹn Bauchi tọn.
Azọn etọn[jlado | jla asisado]
Jamila Umar, he yin yinyọnẹn ganji taidi Jamila Umar Nagudu, daihun tintan etọn to azọnwhe kannywood tọn to 2002. Sọn whenue e basi gbẹdai, e magbe nado jẹ aihundaji. E tọn sọn Bauchi bo lẹkọ do Kano nado mọ dọ emi jẹ gbe mima emi tọn kọn nado lẹzun aihundatọ nukudeji de to azọnwhe Kannywood tọn mẹ. E ko do azọnwhe aihundida tọn lọ mẹ taidi hanjitọ sọn (2002) gbọ. To ojlẹ lẹ mẹ e wa kọnawu dopọ to azọnwhe aihundida tọn lọ mẹ vudevude. Vivẹnu dido etọn na ayidedai po wadohia po bibayi mẹ dọn aidonugo anadenanutọ lọ lẹ tọn bọ yé jẹ didoehia ji to aihun ye tọn lẹ mẹ. Jamila sọgan do mahẹ to aihun wumẹ depope mẹ. E ko sọawu hia to aihun he nọ fọn numọtolanmẹ dote lẹ mẹ amọ to whedelẹnu e sọ nọ sọawu hia to aihun nukikodonamẹ tọn lẹ mẹ. Nagudu ko diyin taun to Kannywood mẹ sọmọ bo nọ yin yiylọ dọ "ahọsi Kannywood tọn". Anadenanutọ Aminu Saira wẹ yin mẹ tintan he doehia to aihun lọ "Jamila da Jamilu" mẹ taidi aihundatọ de.[3]
Gbẹzan medetiti tọn etọn[jlado | jla asisado]
Jalima yin asu gbẹtọ de he tindo visunu dopo.[4][5]
Alọdlẹndonulẹ[jlado | jla asisado]
- ↑ "Tarihin Jaruma Jamila Umar Nagudu (Jamila Nagudu)". Haskenews-All About Arewa. Retrieved 2022-03-25.
- ↑ Adeleye, Kunle (2021-12-25). "Meet The Queen Of Kannywood, Jamila Umar Nagudu: Full Biography". Glamsquad Magazine. Retrieved 2022-03-25.
- ↑ "'Ibada da fim ne suka fi muhimmanci a wurina'". BBC News Hausa. 2018-04-04. Retrieved 2022-03-25.
- ↑ "Ba ni da saurayi a Kannywood — Jamila Nagudu". BBC News Hausa. Retrieved 2022-03-25.
- ↑ "Opera News Detail". lucky-wap-ams.op-mobile.opera.com. Retrieved 2022-03-25.