Ishaya Mark Aku

Ishaya Mark Aku (he kú to 4 Nuwhàsun 2002) yin agbagogán aihundida lanmẹyiya tọn lẹ tọn Nigeria tọn to Wedegbẹ́ Agbagogán lẹ tọn tintan he yin tito dopọ gbọn Togán Olusegun Obasanjo dali. E kú to agahun he gbà de he jọ to Agewaji Nigeria tọn mẹ.

Bẹjẹeji gbẹzan tọn

Aku yin jiji to Lẹdo Gandudu dokọ̀ Bassa tọn to Ayimatẹn Plateau tọn bo yin ovi ahọlu Rukuba tọn dai tọn bosọ pegan taidi zomọ-zọ́nwatọ osin tọn. E biọ ahọluzọ́n ayimatẹn Plateau tọn mẹ fie e tin to otẹn voovo lẹ mẹ te, bo yin wekantọ tẹgbẹ tọn de to whenue e yin dide taidi agbagogán aihundida lanmẹyiya tọn lẹ tọn. Mẹhe jẹnukọnna ẹn taidi agbagogán aihundida lanmẹyiya tọn lẹ tọn, Damishi Sango, yin hẹnnumẹ etọn.

Taidi agbagogán aihundida lanmẹyiya tọn lẹ tọn

Aku yin dide taidi agbagogán aihundida lanmẹyiya tọn lẹ tọn to Afínplọsun 2001. E vọ́ basi tito Nigeria Football Association (NFA) tọn nado lẹzun pipli de he ma nọ ganjẹ akuẹ gandudu tọn lẹ go gbau. To whenue Super Eagles, yèdọ bọlu-hògbẹ́ otò tọn, ma wazọ́n ganji to agbàwhinwhlẹn 2002 African Cup of Nations tọn mẹ to Mali godo, yé yin didesẹ sọn aimẹ gbọn Aku dali. E yin dide taidi Azinponọ Supreme Council of Sports tọn to Aflika. To azọ́nwiwa hẹ Chief Patrick Ekeji to azọ́nwatẹn he nọ penukundo aihundida lanmẹyiya tọn go mẹ, Aku jẹ nùzindonuji lọ ji do bọlu hihò ji nado na tuli aihundida lanmẹyiya tọn devo lẹ.

Lehe e kú

To 4 Nuwhàsun 2002, Aku tin to agahun daho de mẹ hẹ agahun-dotọ 68 devo lẹ. To nukunwhiwhe kleun de godo he agahun lọ tọ́n sọn Kano, e juwayi po awuyiya po bo yì gbà do owhé lẹ. Mẹsusu sọ kú to aigba ji. Omẹ hugan 148 wẹ kú to bladopọ mẹ. Aku to yìyì sọn Jos jei Awọnlin nado pọ́n bọlu hihò de to Nigeria po Kenya po ṣẹnṣẹn.