Hyacinth Alia

Hyacinth Iormem Alia (he yin jiji to 15 Nuwhàsun 1966) yin sinsẹ̀ngán Katoliki Nigeria tọn de po tonudọtọ de po he ko yin ayimatẹn-gán Benue tọn sọn 29 Nuwhàsun 2023 gbọ́n.

Vuwhenu po wepinplọn po

Hyacinth Alia yin jiji to 15 Nuwhàsun 1966, to Mbangur, to Mbadede, to lẹdo gandudu dokọ̀ Vandeikya tọn mẹ, to Ayimatẹn Benue tọn mẹ. E mọ gbedewema wehọmẹ dokọ̀ tọn he diyin etọn yí sọn wehọmẹ St. Francis Primary School tọn, to Agidi, to Mbatiav, to lẹdo gandudu Gboko tọn mẹ, to ayimatẹn lọ mẹ podọ to 1983, e ze yinkọ dai to wehọmẹ St. James Minor Seminary tọn to Makurdi. E yin alọkẹyi nado plọnnu to wehọmẹ St. Augustine's Major Seminary tọn to Jos. E plọnnu na gbedewema sinsẹ̀n tọn de to 1987 podọ gbedewema wehọmẹ alavọ tọn de to sinsẹ̀n-nuplọnmẹ wiwe tọn mẹ to 1990. To 1999, e mọ gbedewema titengbe de yí to nuplọnmẹ sinsẹ̀n tọn mẹ (jijọ gbẹtọvi tọn po ayinamẹ po) to wehọmẹ alavọ Fordham tọn, to Bronx, to New York City. To 2004, e mọ gbedewema titengbe devo yí, to nunọwhinnusẹ́n amasinzọnwiwa tọn lẹ mẹ, sọn Wehọmẹ alavọ Duquesne tọn, to Pennsylvania. E mọ gbedewema wehọmẹ alavọ tọn daho hugan de yí to nuplọnmẹ dopolọ mẹ to Duquesne to 2005, ṣigba wema dodinnanu tọn etọn ma tin to wesẹdotẹn lọ mẹ gba.

Mẹdide

Hyacinth Alia yin dide taidi yẹwhenọ Katoliki tọn de to 7 Liyasun 1990, gbọn Biṣọpu Athanasius Atule Usuh he yin nukọntọ sinsẹ̀n Katoliki Makurdi tọn dali.