Hounkpati B Christophe Capo/guw-bj
|
Cet article est écrit en Gun (Bénin) |
Hounkpati B Christophe Capo (xe nyí jiji to 1 Alunlunsun 1953) nyí ogbè-kplɔ́nmɛtɔ Bénin tɔn kpó mɛkplɔ́ntɔ nukplɔ́nmɛ gandó ogbè go tɔn kpó to Wexɔmɛ Alavɔ Abomey-Calavi tɔn to Bénin.
Otàn gbɛzǎn tɔn
[jlado | jla asisado]Hounkpati B Christophe Capo tindó gbeɖewema walɔyizan gbɛtɔ́ tɔn (1974) kpó gbeɖewema titewungbe ogbè lɛ tɔn (1977) kpó sɔ́n Wexɔmɛ Alavɔ Bénin tɔn mɛ. É sɔ tindó gbeɖewema anazɔ́nwiwa tɔn (1977) kpó gbeɖewema tamɛnukplɔ́nmɛ tɔn kpó to ogbè lɛ mɛ sɔ́n Wexɔmɛ Alavɔ Ghana tɔn to 1981. É kplɔ́nmɛ bosɔ wazɔ́n xɛ wexɔmɛ alavɔ tɔn susu to Hwèyixɔ-waji Aflika tɔn, xe bɛ wexɔmɛ alavɔ Benin City kpó Ilorin kpó tɔn hɛn to Nigeria to 1978.
É nyí yíyí dó azɔ́nmɛ tayiɖi mɛkplɔ́ntɔ alɔgɔtɔ ɖé to 1986 to Wexɔmɛ Alavɔ Bénin tɔn bosɔ nyí zizeɖaga hwlasusu to Conseil africain et malgache de l'enseignement supérieur. Ewɔ wɛ nyí wekantɔ tɛgbɛ tɔn kpikpli lɛnunnunywɛtɔ Wexɔmɛ Alavɔ Bénin tɔn lɛ tɔn sɔ́n 1994 jɛ 1999. É mɔ nunina titewungbe ɖé yí to Bénin to 1995 bo mɔ nunina ɖaxo húgǎn akɔta ɖokpólɔ tɔn yí to 2008.
É ko wlealɔ bo tindó ovi atɔ́n. Mɛkplɔ́ntɔ dodinnanu tɔn xe dinyi ɖé wɛ é nyí bosɔ nyí ogán lɛnunnunywɛ tɔn ná Labo-Gbe, xe nyí wekantɛn dodinnanu tɔn akɔjɔkpli tɔn ɖé ná ogbè Gbe tɔn lɛ to Gadomè, to Bénin. É ko kàn owě cinawe, owě weta wiatɔ̀n kpó húgǎn xosɔ kanɖeao kpó to linlinnamɛwe lɛnunnunywɛ tɔn lɛ mɛ. Ewɔ nyí ɖokpó to kpikpli wenywɛtɔ susu tɔn mɛ xe bɛ Société Linguistique de l'Afrique de l'Ouest kpó Institut International de Recherche et de Formation kpó hɛn to Cotonou, to Bénin. É sɔ nyí zinjɛgbonutɔ ɖé ná linlinnamɛwe lɛnunnunywɛ tɔn susu lɛdó ayihɔ́n kpé. É ko ɖéanana azɔ̌n dodinnanu godó tɔn susu ná gbeɖewema wexɔmɛ alavɔ tɔn xe yiaga húgǎn to Bénin kpó otò ɖevo lɛ kpó mɛ bo ko sɔ gɔalɔna azɔ́nwatɔgbɛ́ susu dógɔ́ to azɔ́nwatɛn etɔn.