Hounkpati B Christophe Capo
|
Cet article est écrit en Gun (Gungbe) |
Hounkpati B Christophe Capo (he yin jiji to 1 Alunlunsun 1953) yin ogbè-plọnmẹtọ Bénin tọn po mẹplọntọ nuplọnmẹ gando ogbè go tọn po to Wehọmẹ Alavọ Abomey-Calavi tọn to Bénin.
Otàn gbẹzan tọn
[jlado | jla asisado]Hounkpati B Christophe Capo tindo gbedewema walọyizan gbẹtọ tọn (1974) po gbedewema titengbe ogbè lẹ tọn (1977) po sọn Wehọmẹ Alavọ Bénin tọn mẹ. E sọ tindo gbedewema anazọ́nwiwa tọn (1977) po gbedewema tamẹnuplọnmẹ tọn po to ogbè lẹ mẹ sọn Wehọmẹ Alavọ Ghana tọn to 1981. E plọnmẹ bosọ wazọ́n hẹ wehọmẹ alavọ tọn susu to Whèyihọ-waji Aflika tọn, he bẹ wehọmẹ alavọ Benin City po Ilorin po tọn hẹn to Nigeria to 1978.
E yin yíyí do azọ́nmẹ taidi mẹplọntọ alọgọtọ de to 1986 to Wehọmẹ Alavọ Bénin tọn bosọ yin zizedaga whlasusu to Conseil africain et malgache de l'enseignement supérieur. Ewọ wẹ yin wekantọ tẹgbẹ tọn pipli lẹnunnuyọnẹntọ Wehọmẹ Alavọ Bénin tọn lẹ tọn sọn 1994 jẹ 1999. E mọ nunina titengbe de yí to Bénin to 1995 bo mọ nunina daho hugan akọta dopolọ tọn yí to 2008.
E ko wlealọ bo tindo ovi atọ́n. Mẹplọntọ dodinnanu tọn he diyin de wẹ e yin bosọ yin ogán lẹnunnuyọnẹn tọn na Labo-Gbe, heyin wekantẹn dodinnanu tọn akọjọpli tọn de na ogbè Gbe tọn lẹ to Gadomè, to Bénin. E ko kàn owe ṣinawe, owe weta wiatọ̀n po hugan hosọ kandeao po to linlinnamẹwe lẹnunnuyọnẹn tọn lẹ mẹ. Ewọ yin dopo to pipli weyọnẹntọ susu tọn mẹ he bẹ Société Linguistique de l'Afrique de l'Ouest po Institut International de Recherche et de Formation po hẹn to Cotonou, to Bénin. E sọ yin zinjẹgbonutọ de na linlinnamẹwe lẹnunnuyọnẹn tọn susu lẹdo aihọn pé. E ko deanana azọ́n dodinnanu godo tọn susu na gbedewema wehọmẹ alavọ tọn he yiaga hugan to Bénin po otò devo lẹ po mẹ bo ko sọ gọalọna azọ́nwatọgbẹ́ susu dogọ to azọ́nwatẹn etọn.