Heidi Holland

Gun

(Gungbe)

Cet article est écrit en Gun (Gungbe)
This article is written in Gun (Gungbe)

Heidi Holland (he yin jiji to 6 Kọ́yànsun 1947 bo basi matintọ to 11 Avivọsun 2012) he ye sọ nọ ylọdọ Heidi Hull (to alọwle etọn tintan mẹ) yin linlinzọnwatọ po aihundatọ South Africa tọn dé po, ehe ko wazọ́n to azọ́nwhé he nọ dé Linlin tọ́n te na owhe gbàn. E basi vọjlado na Illustrated Life Rhodesia, E wazọ́n taidi Linlin-wekantọ internet ji tọn bo kan owe susu taidi The Sunday Time, The Telegram, International Herald Tribute, The New York Time po The Guardian po, bo ka ko sọ wazọ́n to televizionwhe British tọn taidi dodinnanutọ de.

Wékinkan

E kanwe susu lẹ, taidi Dinner with Mudabe, ehe e basi zẹẹmẹ dehe eyin togán Zimbabwe tọn Robert Mugabe dé do tọn. E ma ko den bọ ede Colour of Murder tọ́n, dodinnanu sinsinyẹn he yin bibasi do agbànbẹnu 2002 tọn ji do whlepọn mẹhùhù tọn lẹ ji to South Africa. E sọ dé owe de tọ́n he dọho do Otàn gandutọ South Africa tọn lẹ ji, ehe e ylọ dọ The Struggle: A History of the African National Congress. Oṣiọ etọn yin mimọ to owhè etọn gbe to Johannesburg, ehe yin dohia dọ e hù ede.

Gbẹzan mẹdetiti tọn

Heidi Holland yin jiji to Johannesburg to 1947, e yin ovi yọnnu dé he yin jiji na otọ̀ British-nu de po onọ̀ Swiss-nu dé po. To whenue e do owhe atọ́n, whẹndo etọn sẹtẹn yi Southern Rhodesia, fihe e yi wehọmẹ to Malvern High school te to Salisbury, whẹpo do wa lẹzun linlinzọnwatọ de, bo wazọ́n na Illustrated Life Rhodesia. Holland lẹkọ yí South Africa to 1982. Asu etọn tintan wẹ Tony Hull, mẹhe eji ovi sunnu dopo na, he nọ yin Jonah, nupinpọn-do-plọnnu dogọ tọn dé heyin zize sinai do nọtẹn ladio London tọn he yin Al Jazeera International tọn mẹ. Podọ eji ovi sunnu devo he nọ yin Nick na asu etọn awetọ George Patrikios, he yin doto mezẹtọ de. To azan widopo tọ, Avivọsun 2012, eyin mimọ to pipla do ati go to owhe etọn gbe to Johannesburg. Asu etọn awetọ basi matintọ́ jẹnukọn naẹn.

Linlinzọnwiwa etọn

To bẹjẹeji azọ́n etọn tọn, Holland basi vọjlado to Illustrated Life Rhodesia, to godo mẹ gọna titi-to-whinnu tẹnmẹ-yinkọ akọjọpli tọn susu bibasi vọnu, ewọ yin linlin-kàntọ dé na The Star, yedọ Linlinwe he gbloada de to South Africa he yin zize sinai ganji to Johannesburg.

Wema lẹ

Dinner with Mudabe

Hosọ lọ Dinner with Mudabe sinai do nujijọ he wayi to ṣẹnṣẹn na Holland po Robert Mugabe po to 1975, to whenuena họntọn etọn pla ẹ wa Holland sin whegbe nado du aṣli núdùdù zanmẹ tọn, na e jlo na tọnsọn otò lọ mẹ nado nọavùnte sọta gandudu yovo lẹ tọn he tin to Rhodesia to awhàn daho lọ whenu. Ṣogan Holland yin yinyọnẹn taidi Linlin-kàntọ yovo de nado basi dodinnanu ganhiho awe-da tọn hẹ Mudabe taidi Tògan Zimbabwe tọn to Awewesun owhe 2007. Osun 18 wẹ yi to esi nado mọ dotẹnmẹ hokansemẹ tọn lọ. To owe lọ mẹ Holland dindona diọdo Dawe he e dukosọ hẹ to 1075 po Ayimatẹn etọn dintọn po tọn. E sọ pọn họntọnmẹninọ etọn he mẹdelẹ taidi, asi etọn tintan Sally;Lord Soames, tọ̀pọnlagan British tọn; Denis Norman, yovo glesi dé he ko penukundo do nususu go to bẹjẹeji gandudu etọn po Lan Smith po, gọna Akọtagan godo tọn to Rhodesia. E sọ kanhobiọ tọ̀gan lọ gando whẹho he yin ahunmẹdunamẹnu lẹ go taidi whẹho Gukurahudi tọn podọ gando aigba didiọ na glesi lẹ nido mọ dotẹnmẹ fihe ye na lẹ glé do tọn to Zimbabwe. Susu to owe sin apadewhe ko yin mimọ gbọn linlin-màtọ lẹdo aihọnpe tọn dali bo wa yin didetọn gbọn Penguin South Africa tọn dali.

The Colour of Murder

To 2006,Holland de owe lọ he dọho gándo nujijọ nugbo Africa tọn ehe sinai do dodinnanu sinsinyẹn ehe yin bibasi gando danuwiwa de go, ehe e ylọ dọ The Colour of Murder: One FA

Alọdlẹndonu lẹ

‎