Georgiana Viou
|
This article is written in Gun (Gungbe) |
Georgiana Viou yin jiji to 1977. E wá sọn Bénin, ṣigba e nọ nọ̀ France. Núdùdù-datọ de wẹ e yin, e nọ dà núdùdù yovo tọn lẹ. To 2023, e lẹzun yọnnu mẹyuu tintan he mọ nunina Étoile au Guide Michelin tọn yí to France. Nunina daho de wẹ ehe yin na núdùdù-datọ lẹ. Georgiana sọ yin whẹdatọ de to agbàwhinwhlẹn nudida tọn de he nọ yin yiylọdọ MasterChef tẹnmẹ. Podọ, e kàn owe he yè nọ yí do plọn nudida de.
Otàn Gbẹzan tọn
[jlado | jla asisado]Vuwhenu po wepinplọn po
[jlado | jla asisado]Georgiana Viou yin jiji to 1977 to Cotonou, Bénin. To whenue e gbẹ yin yọpọvu, e plọn lehe yè nọ dà núdùdù do to onọ̀ etọn de.[1] E wá sẹtẹn yì Paris to whenue e do owhe 22 nado yì wehọmẹ dogọ.[2] Ojlo etọn wẹ nado lẹzun lẹdogbedevomẹ bayitọ de.[3] To whenue e ji ovi etọn tintan godo, ojlo etọn nado nọ dà núdùdù sọ fọ́n whladopo dogọ. E jẹ azọ́n wà ji to núdùdù-satẹn de.[4][5]
To whenue e fó wehọmẹ godo, Georgiana sẹtẹn yì Marseille. E nọ wazọ́n to wekantẹn de to okle podọ to núdùdù - satẹn lẹ to zánmẹ. Finẹ wẹ e plọn núdùdù dida te.[2] Georgiana ma yì wehọmẹ núdùdù didà tọn. E plọn ede lehe yè nọ danú gbọn. E dọ dọ azọ́nwiwa to núdùdù - satẹn lẹ to Marseille wẹ yin fie emi plọn nuhe emi yọnẹn lẹpo te.[4]
Azọ́n nudida tọn
[jlado | jla asisado]To whenuena Georgiana tindo owhe 33, e basi dide nado doalọtena lẹdogbedevomẹ bibasi, bo jẹ núdùdù-didà-zọ́n wà ji to gigọ́ mẹ.[1]
To 2008, Georgiana sọawuhia to televiziọn ji whla tintan. Tito televiziọn ji tọn de he nọ yin yiylọdọ "Un dîner presque parfait" ji wẹ e sọawuhia te. Họntọn etọn lẹ na ẹn tuli nado tẹnpọn bo yì tito televiziọn tọn devo he nọ yin yiylọdọ MasterChef ji. E wazọ́n lọ ganji bosọ penugo nado jẹ adà godo tọn tito lọ tọn mẹ.[2]
To 2011, Georgiana hùn wehọmẹ núdùdù didà tọn etọn po núdùdù - satẹn etọn po. E nọ yin yiylọdọ "L'Atelier de Georgiana". To owhe enẹ dopolọ mẹ, e wlan owe núdùdù tọn etọn tintan. E nọ yin yiylọdọ "Géorgiana - Ma cuisine de Marseille".[2] Núdùdù yovo tọn wẹ e nọ dà, amọ́ e sọ nọ yí nudalọ otò he mẹ e wá sọn tọn, Bénin, dogọ na nudida etọn.[3] To 2015, Georgiana hùn núdùdù-satẹn yọyọ de he nọ yin yiylọdọ Chez Georgiana. Ṣigba e blawu dọ owhe dopo poun godo wẹ e súhọ̀n. E tindo dẹ́sọ-dẹ́mẹ lẹ hẹ mẹhe gọalọna ẹn nado hùn núdùdù-satẹn lọ lẹ.[4]
Rouge
[jlado | jla asisado]To Georgiana hùn núdùdù-satẹn yọyọ devo to to Nîmes he nọ yin yiylọdọ "Rouge".[6][7] To Rouge, e mọ nunina titengbe de yí he nọ yin yiylọdọ Grand de Demain sọn Gault & Millau si. To owhe dopolọ mẹ, Georgiana kàn owe núdùdù tọn etọn awetọ. E nọ yin yiylọdọ "Le goût de Cotonou, ma cuisine du Bénin". Owe ehe dọhodo núdùdù he wá sọn otò etọn mẹ, Bénin lẹ ji.[8]
To 2022, e lẹkọyi tito televiziọn ji tọn lọ ji. Ṣigba to ojlẹ ehe mẹ, e ma yin agbàwhlẹntọ de gba. Whẹdatọ de wẹ e yin to tito he diyin taun lọ, MasterChef ji.[9][10]
To 2023, núdùdù-satẹn Georgiana tọn, yèdọ Rouge, mọ nunina vonọtaun de yí - Étoile au Guide Michelin! Georgiana wẹ yin ogán azọ́nwhé lọ tọn.[4][11] Ehe zọ́n bọ Georgiana wẹ yin yọnnu mẹyuu tintan to France he mọ nunina Étoile au Guide Michelin tọn yí.[2] Ewọ wẹ sọ yin yọnnu dopo gee he wazọ́n edeṣo nado yí nunina ehe to owhe lọ mẹ.[1]
Owe etọn lẹ
[jlado | jla asisado]- 2011 - Géorgiana - Ma cuisine de Marseille ISBN 978-2357200647
- 2021 - Le goût de Cotonou - Ma cuisine du Bénin ISBN 978-2379450655
Alọdlẹndonu lẹ
[jlado | jla asisado]- ↑ 1.0 1.1 1.2 "Self-taught Chefs Win Michelin Guide Star". Voice of America (in English). 2023-03-09. Retrieved 2025-02-26.
- ↑ 2.0 2.1 2.2 2.3 2.4 S.r.l, Reporter Gourmet. "Georgiana Viou | Chef". reportergourmet.com (in English). Retrieved 2025-02-26.
- ↑ 3.0 3.1 "Georgiana Viou, à Nîmes : "Ma cuisine est vraiment inspirée de la Provence au plus large sens, cependant je suis Béninoise, j'en garde des réminiscences"". France Info (in French). 2024-08-12. Retrieved 2025-02-26.
- ↑ 4.0 4.1 4.2 4.3 "Gastronomie : 5 choses à savoir sur la cheffe Georgiana Viou, qui a décroché sa première étoile à Nîmes". France 3 Provence-Alpes-Côte d'Azur (in French). 2023-06-03. Retrieved 2025-02-26.
- ↑ "Georgiana Viou, cheffe étoilée : « Cuisiner, c'est donner »". La Croix (in French). 2024-02-11. ISSN 0242-6056. Retrieved 2025-02-26.
- ↑ "NÎMES Georgiana Viou prend les rênes de Rouge, futur restaurant de l'hôtel Chouleur". Objectif Gard (in French). Retrieved 2025-02-26.
- ↑ "This Michelin-starred chef brings the taste of Benin to France | CNN Business". edition.cnn.com (in English). 2023-11-24. Retrieved 2025-02-26.
- ↑ "La cheffe Béninoise Georgiana Viou, nouvelle étoilée du Guide Michelin". Forbes Afrique (in French). 2023-03-08. Retrieved 2025-02-26.
- ↑ "MasterChef France: Everything you need to know about the new season" (in American English). 2022-08-29. Retrieved 2025-02-26.
- ↑ "TV: Masterchef returns to France 2". Gralon (in English). Retrieved 2025-02-26.
- ↑ Kerboua, Narjasse (2023-04-17). "Quand la cheffe étoilée Georgiana Viou cuisine avec les détenus aux Beaux-Mets". Made in Marseille (in French). Retrieved 2025-02-26.