Geneviève Boko Nadjo
|
This article is written in Gun (Gungbe) |
Geneviève Boko Nadjo (he yin jiji to 26 Awewesun 1956) yin whẹ̀yidọtọ Bénin tọn de. E ko yin whẹylọmẹtọ de to Cotonou bo yin dopo to hagbẹ atọ́n Wekantẹn Bénin tọn he nọ penukundo vòbibla lẹ go lẹ mẹ. Gbẹtọ lẹ nọ dọho gando mẹdide do otẹn mẹ go na ewọ nọ yin pinpọnhlan taidi mẹhe sẹpọ Togán lọ wutu.
Otàn gbẹzan tọn
[jlado | jla asisado]Nadjo yin jiji to1956 to Cotonou. E mọ gbedewema wehọmẹ alavọ tọn etọn yí to 1977 bo kọnawudopọ hẹ Wehọmẹ Alavọ Bénin tọn. E tindo gbedewema wehọmẹ alavọ tọn de to nuyọnẹn osẹ́n tọn mẹ to 1981.[1] Sọn 1983 jẹ 1986, e wazọ́n na Azọ́nwatẹn Tito po Sọha nulinlẹn tọn lẹ po Azọ́nwatẹn whẹho jlọjẹ tovi-yinyin tọn po sẹ́nhẹngbatọ po to Azọ́nwatẹn Whẹdida Dodo tọn.[1]
To 1988, e lẹzun whẹdatọ de to whenuena e fó wehọmẹ to Wehọmẹ Akọta tọn na Anadenanutọ lẹ po Whẹdatọ lẹ po, fie e plọnnu te.
Sọn 1988 kakajẹ 2006, e yin mẹbọdomẹgo whẹylọmẹtọ tọn to lẹdo Cotonou tọn mẹ, podọ to enẹgodo, e yin azinponọ na whẹdatẹn Cotonou tọn de.
Nadjo lẹzun Azinponọ na Yọnnu lẹ to Osẹ́n po Nukọnyiyi po mẹ to Aflika (Femmes, Droit et Développement en Afrique) to apadewhe Aflika tọn etọn. To 8 Nuwhàsun 2014, e yin dide gbọn suhugan hagbẹ Pipli sẹ́nbasitọ lẹ tọn dali taidi afọzedaitọ whẹylọmẹtọ lẹ tọn to Commission électorale nationale autonome (CENA) tọn to Bénin.[2] Mẹhe yin dide taidi vòbibla lẹ nọ yinuwa na ojlẹ dide de poun,[3] ṣigba diọdo de nọ yin bibasi bọ hagbẹ atọ́n nọ yin dide. Gbẹtọ lẹ nọ dọho gando mẹdide do otẹn mẹ go na e yin mimọ taidi dopo to hagbẹ awe he yin pinpọnhlan taidi mẹhe sẹpọ togán lọ lẹ mẹ wutu.[4] Awe to mẹhe pò lẹ mẹ yin pinpọnhlan taidi mẹhe jẹ mẹdekannu, ṣigba omẹ awetọ wẹ Emmanuel Tiando, heyin agbagogán dai tọn de, he hẹn gbẹtọ lẹ lẹndọ CENA mayin ahundoponọ gba.[4]
E mọ ajọ̀ Aské tọn de yí na yọnnu nukundeji hugan lẹ to Aflika to 2018. To vòbibla togán tọn to 1990 whenu to Bénin, ewọ wẹ yin mẹbọdo azinponọ go CENA tọn. E basi zẹẹmẹ bosọ yiavunlọna ahọ́nkan godonọnamẹ tọn. E sọ dọna linlin-kàntọ lẹ dọ aṣa lọ nado nọ biọ akuẹ nado nọgodona mẹhe jlo na yin dide taidi togán lẹ ma sọgbe hẹ osẹ́n.[5] Yinkọ dagbe Bénin tọn na gandudu démocratie tọn ko gbẹ́ to owhe agọe tọn lẹ mẹ. Patrice Talon ko yigbe nado nọte bo basi diọdo agọe tọn lẹ to osẹ́n lọ mẹ dohia dọ mẹhe jlo na dugán lẹ tindo nuhudo godonọnamẹ hagbẹ 16 tọn heyin sẹ́nhẹngbatọ lẹ tọn podọ diblayin hagbẹ pipli sẹ́nhẹngbatọ egbezangbe tọn lẹpo wẹ yin hagbẹ pipli he Talon kọngbedopọ hẹ lẹ tọn. E yin didọdai dọ Talon sọgan sọ yin dide taidi togán whladopo dogọ matin nukundiọsọmẹ depope.[6]
Alọdlẹndonu lẹ
[jlado | jla asisado]- ↑ 1.0 1.1 "Geneviève Boko Nadjo". Leaders Afrique. 2016-01-21. Retrieved 2025-02-08.
- ↑ Mathilde Sant-Anna Attoh (October 2014). "Mrs. Geneviève BOKO NADJO, elected member of the Autonomous National Electoral Commission". WILDAF West Africa Newsletter (60): 5, 6. Archived from the original on 2021-01-31. Retrieved 2025-02-08.
- ↑ "About ACE —". aceproject.org. Retrieved 2025-02-08.
- ↑ 4.0 4.1 Africa Yearbook Volume 11: Politics, Economy and Society South of the Sahara in 2014. BRILL. 2015-10-08. ISBN 978-90-04-30505-2.
- ↑ "Achat de parrainage: avertissement de la Vice-présidente de la CENA". Banouto. 23 October 2020. Retrieved 2025-02-08.
- ↑ "Benin Presidential Election: April 11, 2021". 21votes. 2020-06-09. Retrieved 2025-02-08.