Esmé Frances Hennessy
|
Cet article est écrit en Gun (Gungbe) |
Esmé Frances Hennessy (he yin jiji to 30 Avivọsun 1933 bo basi matintọ to 20 Nuwhàsun 2023) wá sọn South Africa bo nọ wazọ́ndo dodinnanu atin lẹ tọn ji. nado plọnnu gando yé go, bo dé yé do wema ji, bosọ kanwe gando yé go. E yin azọnyọnẹntọ to yinkọ dido na atin lẹ sọgbe hẹ lehe yè te po nuyiwa yetọn lẹ po. E kanwe bosọ plọnnu gando Erythrinas, South Africa tọn (1972), Orchids, Africa tọn (1961) po Joyce Stewart tọn po, The Slipper Orchids (1989) po Tessa Hedge po go, podọ e dàihun susu he basi zẹemẹ he gando atin vounvounnọ Aflika tọn lẹ podọ susu devo lẹ.
Gbẹzan bẹjẹeji tọn po wehihia etọn po
[jlado | jla asisado]Hennessy yin jiji to huwaji Coastal tọn gbetato Umzinto tọn mẹ, to azán gbàntọ, Avivọsun owhe 1933, fihe otò etọn yin doto mẹzẹ̀tọ te. E plọnnu gando atin lẹ po kanlin lẹ po go to wehọmẹ alavọ tọn University of Natal, Pietermaritzburg, Eyi gbedewema to nupinplọn gando atinsinsẹn lẹ go to 1983. To 1956, e dà Ogan awhànfuntọ tọji tọn, Brian John Hennessy, bọ ye ji visunnu dopo.
Azọ́n etọn lẹ
[jlado | jla asisado]Bẹsọn 1958 yi 1960, Hennessy yin yíyí do azọ́n mẹ taidi alọgọtọ na dodinnanu basitọ na C.S.I.R Amoebiasis Research Unit. To 1961, Hennessy wẹ yọnnu tintan he wazọ́n taidi nuplọnmẹtọ yọnnu to wehọmẹ alavọ tọn Durban tọn. To gbagbla 1972 po 1973 po tọn mẹ, eyin dopo to ogbẹ́ lẹnunnuyọnẹntọ lẹ tọn mẹ to wehọmẹ alavọ tọn Durban-Westville tọn, tintan taidi nukọntọ weplọnmẹtọ de podọ to godo mẹ taidi Weyọnẹntọ lẹnunnuyọnẹn atin lẹ tọn.
To 1972, Hennessy de owe etọn tintan South African Erythrinas tọ́n,He e kan bo basi apajlẹ etọn po agban sinmẹ voovo fọtọ́n po, e dé bosọ kanwe hẹ Joyce Stewart nado dé owé lọ Orchids of Africa (1981) po The Slipper Orchids (1989) wpo Tessa Hedge po. Hennessy sọ dé, bosọ wazọ́n dodinnanu tọn susu gando Flowering Plants of Africa po the American Orchid Society Bulletin po. To 1991,Hennessy yigbe nado yin vọjlado basi tọ lẹnunnuyọnẹntọn de to Elsa Pooley's Book, ehe anadenamẹnu dé gando atin Natal, Zuliland po Transkei po.
E do yẹdide atin etọn susu hia lẹdo aihọn pé. To 1977, e dọho gándo atin sinsẹ́n lẹ go to South Africa, to wehọmẹ he ye nọ ylọdọ Hunt Institute for Botanical Documentation. E sọ do azọn etọn hia to London, to Royal Horticulture Society, podọ e mọ gbedewema pipa tọn awe yi. To godo mẹ, azọn etọn yin didohia to wehọmẹ he ye nọ ylọdọ Smithsonian Institution. E kọnawudopọ hẹ lẹnunnuyọnẹntọ susu bo do ogbẹ́ lẹ ai na e yiwanna nupinplọn gando atin lẹ go. E doalọtena azọ́nwiwa to wehọmẹ he ye nọ ylọdọ University of Durban-Westville to 1993.
Podọ to enẹ godo, e sọ gọalọ to wepinplọnmẹ mẹ to wehọmẹ he ye nọ ylọdọ University of Natal, kakajẹ 2006. E sọ dé yẹdide lẹ dọ wema mẹ gando atin susu devo lẹ go, ehe gọalọna gbẹtọ nado yọ́n atọ̀n voovo lẹ. To 2020, Botanical Society of South Africa naẹn ajọ̀ nujọnu tọn dé nado dọnudo e na azọn sinsinyẹn he e wa na mẹlẹ nido plọnnu gando atin South Africa tọn lẹ po yẹdide yetọn lẹ po go.
Gbẹzan mẹdetiti tọn po Òkú etọn po
[jlado | jla asisado]To 2006, e sẹtẹn yi United States, to finẹ e nọ Portland Oregon.
Hennessey basi matintọ́ to azán kotọ, Nuwhàsun owhe 2023 tọn, to whenue e do owhe kanwe-ṣiẹnẹ.
Alọdlẹndonu lẹ
[jlado | jla asisado]