Ena Murray
|
Cet article est écrit en Gun (Gungbe) |
Ena Murray (he yin jiji to 22 Nuwhàsun 1936 bo basi matintọ to 20 Awewesun 2015) yin wekantọ Afrikaans tọn dé. Na owhe gbànukúatọ̀n he e do kanwe na whenu gigọ, weda hosọ tọn 131 wẹ e kan. Na taun tọn, e kannu gando haṣinṣan owanyi tọn go hugan, ṣigba e sọ kannu gando otangblo lẹ, he bẹ nudọnamẹ mẹhẹnjọsi tọn lẹ po ajọ́jijla lẹ po hẹn, ehe gblamẹ e nọ jẹ gbẹtọgun susu de dè te bo gbọnmọ dali diyin. Na yi dogọ, e kan Otànwe lẹ, bosọ de homilomilo lẹ tọn.
E yin zẹemẹ basi na taidi mẹhe kan bo sọ hia owe hugan to Afrikaans. To whenuena ye kanhose mẹsusu gbọn Radio Sonder Grense po Tafelberg-Uitgewers po, kunnu yin didè dọ ewọ wẹ wekantọ he diyin hugan to Africaans. Delẹ to owe etọn lẹ mẹ yin kinkan po wekun daho po, ehe nọ hẹn bọawu na mẹhe ma nọ mọnu ganji lẹ. Delẹ yin yiyidokanji gbọn Pionier School, he wehọmẹ hudo tọn dé to Worcester, bọ devo lẹ yin yíyí do kanji gbọn Bandhulp vir Blindes in braille en band (Ogbẹ́ dé he nọ gọalọna nukuntọ́nnọ lẹ).
Otàn gbẹzan etọn tọn
[jlado | jla asisado]Ena Murray yin jiji to otò pẹvi Karoo tọn mẹ to Loxton. Eyin ovi yọnnu awetọ to yọnnu atọ̀n he dotozọ́nwatọ Dr. Mans. E yin wehọmẹ to Loxton po tòpẹvi he sẹpọ ye Victoria West. To whenue e fo e wazọ́n taidi doto yọnnu dé.
Alọdlẹndonu lẹ
[jlado | jla asisado]