Ekei Essien Oku
|
Cet article est écrit en Gun (Gungbe) |
Ekei Essien Oku (he yin jiji to 22 Alunlunsun 1924, bo basi matintọ to 16 Kọ́yànsun 2004) nọ wazọ́n to wesẹdotẹn, bo sọ yin otanwekantọ́ de po wekantọ de po. Ewọ wẹ yin yọnnu tintan he wazọ́n taidi ogan wesẹdotẹn tọn dé to Nigeria. E kò zìn dodinnanu etọn jẹgbonu do whenuho Nigeria tọn mẹ he sinai do kandai mẹdehlan lẹ tọn ji he basi kandai azán lẹ tọn do tito tòpẹvi lẹ tọn ji to owhe kanweko 17tọ mẹ.
Otàn gbẹzan etọn tọn
[jlado | jla asisado]Oku yin jiji to Calabar, to Alunlunsun owhe 1924. E yi wehọmẹ to Nigeria to Queen's College, to Awọnlin. E wazọ́n taidi weplọnmẹtọ de whẹpo do wa azọn wesẹdotọ tọn, bọ to ẹnẹ godo eyin didohlan London nado yin plọnwe dogọ to North Western Polytechnic ( he ko lẹzun wehọmẹ alavọ tọn dé todin to North London). E lẹkọwa Nigeria, fihe e lẹzun yọnnu tintan sọn Nigeria he wazọ́n wesẹdotọ tọn to 1953. Ehe jọ to owhe awe godo he sunnu tintan, Kalu Chima Okorie wamọ to 1951. E nọ otẹ̀n mọnkọtọn mẹ to Calabar, podọ to Awọnlin lọsu ga.
Oku yin yiylọ wà tito television BBC tọn ji to tito he ye nọ ylọ dọ "African Perspective" whenu nado basi dodinnanu gando gbẹzan etọn po azọ́n etọn po go. E ku to azán fọntọ̀nukundopo tọ, Kọ́yànsun 2004, to whenue e do owhé kande-gban.
Alọdlẹndonu lẹ
[jlado | jla asisado]