Diana Mitchell
|
Cet article est écrit en Gun (Gungbe) |
Diana Mary Mitchell yin jiji to 16 Abọ̀húsun 1932, bo basi matintọ to 8 Alunlunsun 2016. E yin avùnlọyinajlọjẹ Tonudọtọ lẹ tọn tọ de to Zimbabwe, po Otànwe kàntọ de po. Mẹhe nọ mọhodọdo gandudu Lan Smith po Robert Mugabe po tọn go to aliho agọ̀ mẹ.
Otàn gbẹzan etọn tọn
[jlado | jla asisado]Mitchell yin jiji to Salisbury, he yin tatọ-tẹnnọ Southern Rhodesia tọn. Otọ etọn he nọ Elliott Coates bo yin ponọ tọji tọn de bọ onọ etọn Mary Peck he wa sọn Australia, bo yin aihundatọ de. Mejitọ etọn lẹ gbẹ yede to 1932, bọ enọ mẹjitọ mẹgopọntọ etọn tọn lẹ dè to wẹkẹ whan awetọ whenu, to whenẹnu onọ etọn to azọn wa to Azọ́nwhé he nọ dé azọ́nwanu awhàn tọn lẹ tọ́n te. E yi wehọmẹ to Eveline Girls high school, bo wa yi wehọmẹ alavọ tọn to University of Cape Town to South Africa fihe e plọn Otàn lẹ po ogbé shona tọn po te. To 1956, e da Brian Mitchell he yin anazọnwatọ zomọ̀mi tọn de, bọ ye ji vi atọ̀n.
Mitchell sin avùnọyiyi na jlọjẹ tonudọtọ lẹ tọn etọn bẹjẹeji to 1966, to whenuena e yi avùnlọ na wehọmẹ bẹjẹeji tọn he yin alọhẹndotena gbọn Ahọluduta lọ dali. E zindonukọn to avunlọ yiyi etọn mẹ bo hẹn diun dọ mẹyun lẹ lọsu dona yi wehọmẹ. E nọ tindo mahẹ to adà pipli tonudọgbẹ tọn lẹ mẹ dile etlẹ yindọ e tọ́ndovo to vobibla 1974 tọn whenu podọ na National Unifying Force (NUF) to vobibla 1977 tọn whenu.
To whenuena Smith's 1970 yin Lila taidi todaho dé Rhosetia tọn godo, Mitchell yin mimọ taidi anadenanutọ po Hoyidọtọ de po to Smith Rhosetia nukọn po ogbẹ́ mẹhe nọ hoávùn na jlọjẹ mẹdekannujẹ tọn de po ṣẹnṣẹn. To azọn wiwa etọn hẹ linlin kàntọ Robert Cary po Willies Musarurwa po whenu, e penugo nado dé Otàn he yin nujijọ joun de tọn, ehe e ylọ dọ African Nationalists Leaders in Rhosetia;. Dile etlẹ yindọ e vivi naẹn to whenuena Zimbabwe mọ mẹdekannujẹ yi to godo mẹ nado jẹ mẹdekannu to Hogbe he yin alọkẹyi na lẹdo akọjọpli tọn he tin to otò lọ mẹ to 1980 lẹ mẹ, gbẹtọ lẹ mọ̀hodọdo aliho he mẹ gandudu Mitchell tọn dó linlinnamẹnu lẹ po nukundiọsọmẹ tonudidọ tọn po hia te go. Ewọ po asu etọn po sẹtẹn yi Britain to 2003. Brian basi matintọ́ to 2010.
To 2011, azọn sinsinyẹn Mitchell tọn yin aidego bọ Otàn we he e ko kan gando tonudidọ go lẹ yín nina wehọmẹ alavọ tọn Hoover Institution, bọ ehe hun dotẹnmẹ gbangba tọn dé na ẹn bọ owe etọn lẹ yín yinyọnẹn, na wehọmẹ alavọ tọn he tin to Cape sin tòhomẹ lẹ.
Alọdlẹndonu lẹ
[jlado | jla asisado]