Daphne Rooke
|
Cet article est écrit en Gun (Gungbe) |
Daphne Marie Rooke yin wekantọ South Africa tọn de, he ko kan owe delẹ taidi "Mittee", "Ratoon" po "wizards' country" po. E nọ kan owe he ye do nọ yitomena lẹ po owe yọpọvu lẹ tọn po to India, Australia, New Zealand po Africa po.
Otàn gbẹzan etọn tọn
[jlado | jla asisado]Daphne Rooke yin jiji to Boksburg, Transvaal; ewọ wẹ ovi godo tọn to ovi ṣidopo he yin jiji gbọn yọnnu Aflikanu de dali. Daphne sin otọ daho nọ yin Dietlof Siegfried Maré, mẹhe yin dowatọ Pietersburg tọn, e da asi awe bo ji ovi konukunatọ̀n. Dopo to Daphne sin tavẹ wẹ Leon Maré.
Onọ Daphne tọn wẹ Maria Magdalena Maré, eyin jiji to owhe 1878 mẹ, e yin yinyọnẹn taidi "Mittee", e dà Glẹnsinnu dé he nọ yin Edward kneviter kavi knevitt to 1899. To awhàn Anglo-Boer tọn whenu, dẹsọdẹmẹ he tin to ṣẹnṣẹn na Aflikanu lẹ po Yovolẹ po ṣẹnṣẹn sọ mọ bọ whẹndo lọ po ovi yetọn ẹnẹ lẹ po (Daphne po nọvisunnu daa etọn atọ̀n po nọviyọnnu daa dopo po) yin hinhẹn gánnugánnu nado tọ́n sọ́n Petersburg. Ehe zọ́n bọ Maré po knevitts po ma sọ yi mọ dé do mọ yede ba.
To oku Edward knevitt tọn godo, onọ Daphne tọn da asu Glẹnsinu devo he nọ yin Robert Pizzey, to 1911, bo vi ovi yọnnu awe na ẹn. Rosemary ji vi to 1912 bọ Daphne ji vi to 1914. Robert Pizzey fun awhàn bo kú to wẹkẹwhàn tintan whenu. Taidi yọpọvu dé, Daphne nọ jẹ ahunmẹ zọ́n wheẹwhẹ ehe zọ́n bọ whẹndo lọ sẹtẹn sọ Highveld yi fihe sẹpo Durban Natal. Onọ Daphne tọn yin mẹplọntọ, linlẹn-we kantọ po otàn-we kantọ dé po. E de otàn-we he nọ yin "The children of the veld" tọ́n, to pseudonym "Maré knenitt" glọ.
Ehe sọ apapa na Daphne nado ze alọ onọ etọn tọn nado nọ kan otàn-we lẹ. E lẹzun Linlin-we kantọ po otàn-we kantọ de po. To 1946, e sọawuhia taidi dopo to mẹhe du ajọ̀ Africaans Pers Literally lẹ mẹ, na otàn-we etọn he e dètọ́n, he yinkọ otàn-we lọ tọn nọ yin "A Groove of Fiver Trees". To whenenu e ko da Irvin ("Bertie" ) Rooke he yin Australian nu dé, mẹhe e dukosọ hẹ to whenuena e to azọn anadenanutọ tọn wa, to ogbẹ́ hunkuntọ lẹ tọn mẹ. Nado kọnawudopọ hẹ whẹndo Birtie tọn, yé yí Australia to 1946. Ye lẹkọyi Natal to 1953, ṣigba ye pehẹ avùnnukudiọsọmẹ son ponọ South Africa tọn lẹ sì, ehe zọ́n bọ ye lẹkọ do Australia to 1965.
To 1980, otanwe etọn yin ayidego whla dopo dogọ to wehọmẹ alavọ tọn, Natal tọn mẹ, ehe wehọmẹ lọ na ẹn ajọ̀ to 1997. E gbọṣi Australia kakajẹ whenue asu etọn Bertie kú to 1989, bọ to ẹnẹ godo e sẹtẹn yi Cambridge, England, fihe e zan pipotọ gbẹzan etọn tọn te.
Alọdlẹndonu lẹ
[jlado | jla asisado]