Daagbo

Gun (Gungbe)

Gun (Bénin)

This article is written in Gun (Gungbe)

Vicentia Tadagbé Tchranvoukinni, he nọ yin yiylọdọ Daagbo kavi Parfaite de Banamè, yin jiji to 1990. E do pipli sinsẹ̀n tọn he ye nọ ylọdọ Banamè ai to otò Bénin tọn mẹ.

Lehe sinsẹ́n Banamè tọn bẹjẹeji gbọn

To 13 Alunlunsun 2009, to sinsẹ́nhọ Banamè tọn mẹ to Bénin, ovi owhe fọtọnnukunẹnẹ mẹvi de he yin pinpan gbọn nafẹ etọn dali yi yẹwhenọ lẹdo lọ tọn po sinsẹ̀ngán lẹ po nukọn, yèdọ Papa Mathias Vigan, nado yin tọ́ntlọ́ngbọ́n to sinsẹ̀n-nu plọnmẹ ṣọṣi tọn lẹ mẹ. To osẹ susu godo, Vicentia Tadagbé Tchranvoukinni (Daagbo) na tukla whẹndo etọn po yẹwhenọ lọ po. To whenue e to dẹ̀ho, e lẹndọ Malia, po gbigbọ wiwe po, podọ Jiwheyẹwhe Otọ́ lọ wẹ emi yin, podọ e jlo na yin yiylọ to aliho he ma sọgbe mẹ taidi mẹpipe yedọ “Perfect.”

Nulẹ ma yi do lehe ye basi tito etọn do gba. Yọnnu jọja lọ diọlinlẹnna yẹwhenọ lọ dọ nuhe e plọn lẹ sọgbe. To osẹ he bọdego lẹ mẹ, Papa ylọ yọnnu jọja lọ hlan sọn owhé etọn gbè bo hẹn ẹn yì owhé etọn gbè. To godo mẹ, pipli sinsẹ̀n tọn de wá yin jiji to Avivọsun 2011, to glọ Ṣọṣi Katoliki tọn bo ɖɔ yinkọ naẹn dọ.

E bẹ nuplọnmẹ voovo lẹ hẹn he jẹagọdo nuplọnmẹ Ṣọṣi Katoliki tọn lẹ bo do ede hia gbọn tẹnmẹ-yinkọ po wekantẹn sinsẹ̀ngán tọn lẹ po yiyizan dali. Nugbonọ kanweko susu, he to azọ́njiawu din lẹ wẹ kọnawudopọ hẹ ẹ, gọna yẹwhenọ lẹ po yẹwhenọ-yọnnu lẹ po. To Abọ̀húsun 2012, Papa Vigan la dọ emi ko lẹzun “Pope Christopher XVIII.”

Nuyiwadomẹji po nuyiwa Ṣọṣi Katoliki tọn lẹ po

Osun awe to whenuena Ṣọsí ehe ko yin didá godo, Biṣọpu-gán lọ yedọ Papa Mathias Vigan po mẹ he yin dowatọ sinsẹ̀n Banamè tọn po yin yinyan sọn ṣọṣi lọ mẹ. Biṣọpu Bénin tọn lẹ ylọ whẹho lọ dọ nujọnu. Biṣọpu Houndékon basi oylọna Katoliki lẹ "nado lẹkọ matin winyan bo ma dibu blo."

Sọn 2013 gbọ́n, sinsẹ̀n-nuplọnmẹtọ lọ ko basi oylọna Klistiani lẹ nado nọ pọ́n Ṣọṣi ehe hlan taidi pipli he ma tindo kanṣiṣa hẹ osẹ́n de bo dosẹ́n na Katoliki yi tọ depope ma nado nọ yì e dè, do sọ dosẹn dọ mẹdepope he yi Ṣọṣi lọ na yi dìde sẹ sọn Katoliki mẹ.

Hagbẹ klandovo

Gbọnvona Ṣọṣi Katoliki tọn, mẹsusu ko yin finfọn dote nado gblewhẹdo sinsẹ̀n. Banamè tọn titengbe to oku sinsẹ̀n-basitọ de tọn godo to nuwiwa sinsẹ́n tọn de whenu to 2017.

Togán Thomas Boni Yayi lọsu mọhodọdo "hogbe awugblenamẹ po mẹhẹngble tọn lẹ po go he jẹagọ do ninọmẹ he na hẹn jijọho wa tọn he Parfaite de Banamè to zinzan" sọta Ṣọṣi Katoliki tọn " to whepopo nu.

To Lidosun 2016, Parfaite de Banamè dọna hodotọ etọn lẹ dọ ye ni nọ godona Patrice Talon to ovò bibla etọn whenu, na e ylọdọ visunnu etọn títí. .

To Alunlunsun 2018 mẹ, to whenuena togán lọ ko yì gan godo, yẹwhegán-yọnnu lọ do hodidọ de hia he gbayipe taun do linlinnamẹnu paa lẹ ji dọ po alọgọ titengbe èmi tọn po wẹ togán lọ do jẹ ganji. E sọ dọmọ:

Fie wẹ sinsẹ̀ngán Katoliki tọn lẹ tin te to ojlẹ ehe mẹ?

Haṣinṣan pẹkipẹki he tin to Parfaite de Banamè po Patrice Talon po ṣẹnṣẹn ko fọ́n kanbiọ susu dote. Ehe sọgan basi zẹẹmẹ abọẹninọ aṣẹpatọ Bénin tọn lẹ tọn to whenuena Ṣọṣi Banamè tọn yin hinhẹnflu.