Cynthia Stockley
|
Cet article est écrit en Gun (Gungbe) |
Cynthia Stockley (yin jiji to azan ṣiawetọ, Liyasun 1873 - bo basi matintọ́ to azán fọntọ̀n tọ, Awewesun 1936) yin otanwekantọ́ South African-Rhodesia tọn dé, e yin yinyọnẹn gbọn Otàn owanyi tọn etọn he nọ sinai do Rhodesia (he yé nọ ylọ Zimbabwe todin) po South Africa po ji. Lilian Julian Webb wẹ e nọ yin hẹpo do wlealọ.Yinkọ kealọyi de wẹ yinkọ lọ Cynthia.
Otàn gbẹzan etọn tọn
[jlado | jla asisado]Stockley yin jiji to Bloemfontein, Orange Free State.Onọ̀ etọn Mary Ann Webb (Corbett),sẹtẹn sọn County Clare to Ireland, to whenuena e to owhe fọtọnnukunatọn do, to 1859, to whenuena otò etọn, Abel Arthur Webb,wa sọn Northamptonshire, England, to 1861,to whenuena e to owhe Konukunatọ̀n do.
Onọ̀ etọn basi matintọ́ to whenuena e to owhe awe do.To enẹ godo, otò etọn gọalọ wlé, bọ Cynthia nọpọ hẹ nọvi ẹnẹ (dopo basi matintọ́ to whenuena egbẹ tin to ovu), asi otò etọn, nọviyọnnu-daa dopo po nọvisunnu-daa awè po.To whenue e yin wehọmẹ he ye nọ ylọdọ St. Michael's School, Bloemfontein godo, e diọda nado yi nọpọ hẹ mẹdaho etọn yọnnu to Mashonaland. To 1895,e wlealọ hẹ Philip Stockley (1870-1917),he yin dopo to ogbẹ́ Mashonaland Mounted Police tọn lẹ mẹ, to Salisbury (he nọ yin Harare todin). Ye sẹtẹn yi Umtali (he nọ yin Mutare todin) fihe eji viyọnnu etọn Dorothy te to 1896. Stockley lẹ klan to 1896: na asi lọ nido jẹ azọ́n linlinzọnwatọ tọn po wekantọ tọn po wa ji, podọ asu lọ, nado yi doalọ to awhàn Boer tọn mẹ.E lẹn dọ Philip ṣi awhàn, ehe zọ́n bọ e vọ alọwle. Mẹhe e wlealọ hẹ wẹ Joseph Byrne (1870-1945), mẹhe yin dotozọ̀nwatọ de to New York, podọ e ji visunnu dopo nien to 1905.E sọ wazọ́n taidi aihundatọ dé, podọ e họ̀ gle dé to Rhodesia po owhé de po to Norfolk. To 1916, Harold Pelham Browne (1880 -1939),he yin ponọ British tọn dé he to sinsẹ́n to Paris.
Stockley basi matintọ́ to London, to Awewesun 1936, e yin mimọ to ohó etọn mẹ. Òkú etọn yin líla gbọn linlinwe lẹ ji lẹdo aihọnpe. E wá yin sisẹ̀ to dagbemẹ ninọ apọnmẹ tọn hù ma do aha. Eyin didi Sheringham, Norfolk.
Azọ́n etọn lẹ
[jlado | jla asisado]Stockley kan owé etọn tintan to whenue e to ninọ otò he mẹ e sẹtẹn yi. Owe lọ yin yi ylọdọ Virginia of the Rhodesia (1903). To owe devo mẹ, ehe e ylọ dọ The Claw (1911), nuhe ji e sinai taun wẹ Africa po aigba etọn po.E basi zẹẹmẹ do Africa ji taidi otò huhlọnọ de po whanpẹnọ po, ehe zọ́n bọ mẹdepope he do numimọ etọn ma nọ jlo ma nọ jlo na jo e do. To owe lọ mẹ, e sọ dọho gándo kiklo yinyin po po aigba hundonuvo otò lọ tọn. E dọdọ fifa lọ nọ zọ́n bọ mẹlẹ nọ vo bosọ nọ tin to ayajẹ mẹ.Aigba lọ gblo bo tindo ayajẹ sọmọ bọ e nọ gọalọ na alindọn nado tin to ogbẹ́ bosọ whẹn to aliho de mẹ ehe ma ko jọ pọn. To Otàn etọn mẹ, Stockley do awanyin sisosiso po goyiyi po na Rhodesia. Ṣigba to godo mẹ, to owe etọn Tagati (1930), tonudidọ etọn diọ bọ e jẹ godonọna Rhodesia ji gbọn awukinkondopọ hẹ South Africa dali.
Otànwe lẹ
[jlado | jla asisado]Owe fọtọnukundopo etọn lẹ wẹ:
- Virginia of the Rhodesians, London: Hutchinson 1903
- Poppy: the Story of a South African Girl, London: Hurst and Blackett 1909
- The Claw, London: Hurst and Blackett 1911
- The Dream Ship [Wanderfoot in America], London: Hurst and Blackett 1913
- Blue Aloes: Stories of South Africa, London: Hutchinson 1918
- Ponjola, London: Constable 1923
- Tagati, London: Constable 1930
Aihundida lẹ
[jlado | jla asisado]E Bẹjẹeji po otànwe etọn didiọ zun Aihundida dali:
- Poppy (1917)
- The Claw (1918)
- Wild Honey (1922)
- Ponjola (1923)
- The Female (1924)
- The Claw (1927)
Alọdlẹndonu lẹ
[jlado | jla asisado]