Christine Ouinsavi
|
This article is written in Gun (Gungbe) |
Christine Ouinsavi yin lẹnunnuyọnẹntọ de he wá sọn Bénin. E plọnnu gando atin lẹ po zungbo lẹ po go. E sọ wazọ́n taidi tonudọtọ de nado gọalọ na otò etọn. To 2007, e mọ nunina vonọtaun de yí na e yin pinpọnhlan di yọnnu he wazọ́n ganji to lẹnunnuyọnẹn mẹ. Nunina lọ yin yiylọdọ Bourse internationale Unesco-L'Oréal pour les femmes et la science. Christine wẹ nọ deanana nupinplọn yọpọvu flinflin lẹ to Bénin dai. Ehe bẹ nupinpọn yé nado yọnwehia bosọ yọnkàn, podọ pinplọn ogbè otò yetọn [1][2]
Otàn gbẹzan tọn
[jlado | jla asisado]To yọnnu lẹnunnuyọnẹntọ fọtọ̀n he plọnnu gando atin lẹ po zungbo lẹ po go mẹ, Christine wẹ mọ nunina vonọtaun de yí na e yin pinpọnhlan di yọnnu he wazọ́n ganji to lẹnunnuyọnẹn mẹ. Christine yin dopo to yọnnu atọ̀n he wá sọn Aflika bo mọ nunina vonọtaun de yí lẹ mẹ. E yiwanna nado plọnnu gando zungbo po atin lẹ po go. E yì Canada nado plọn nususu dogọ. E jlo na yọ́n lehe mẹhe tin to Bénin lẹ sọgan yí atin zungbo mẹ tọn lẹ zan to aliho he ma na gbleawuna zungbo lẹ mẹ do. Susu mẹhe tin to Benin lẹ tọn nọ ganjẹ atin zungbo mẹ tọn ehelẹ go nado mọ akuẹ..[1]
Christine Ouinsavi yin apadewhe gandudu togán Dr. Boni Yayi tọn. E penukundo adà nupinplọn yọpọvu flinflin lẹ tọn, he bẹ nupinplọn yé nado yọnwehia bosọ yọnkàn, podọ pinplọn yé ogbè otò lọ tọn [2]
To 2017, Christine fó adà wepinplọn tangan de tọn. E sọ lẹzun mẹplọntọ de to wehọmẹ alavọ Parakou tọn. Ewọ wẹ yin yọnnu tintan he lẹzun mẹplọntọ to wehọmẹ alavọ tọn lọ. Jẹnukọnna ojlẹ ehe, to 2009, e ko yin dide nado wazọ́n to wehọmẹ alavọ tọn lọ taidi alọgọtọ de na mẹplọntọ [3]
Alọdlẹndonu lẹ
[jlado | jla asisado]- ↑ 1.0 1.1 "Fifteen Young Women Researchers Receive Unesco-L'Oréal 2007 International Fellowships For Women In Science - L'Oréal Group". www.loreal.com (in English). Retrieved 2017-11-25.
- ↑ 2.0 2.1 Benin Diplomatic Handbook (in English). Int'l Business Publications. 2005-03-30. ISBN 9780739757451.
- ↑ "Bénin: Christine Ouinsavi admise au grade de professeur titulaire". BENIN WEB TV (in French). 2017-07-19. Retrieved 2017-11-25.