Christiane Chabi-Kao/guw-bj
|
Cet article est écrit en Gun (Bénin) |
Christiane Chabi-Kao nyí jiji to 30 juin 1963. É nyí tòvi Bénin tɔn. É nɔ basí sinima lɛ bo nɔ kàn otàn lɛ ɖayǐ.
Otàn gbɛzǎn tɔn
[jlado | jla asisado]Christiane Chabi-Kao nyí jiji to Marseille, France to 1963. É kplɔ́nnǔ to France sɔ́n 1984 jɛ 1986, bo wá sɛtɛn yì Aflika to 1990. Sinima etɔn tintan, xe xosɔ etɔn nyí Les enfants esclaves, ɖɔxo gandó ovi xe nɔ nyí nuyiwa xɛ tayiɖi kanlinmɔ lɛ go.
To 2007, é basí sinima ɖé xe nɔ nyí yiylɔɖɔ Les inseparables. Sinima lɔ ɖɔxo gandó nɔvi awe go, Yawa kpó Abi kpó. Otɔ́ yětɔn sà yé ná mɛxe nɔ sà yɔkpɔvu lɛ. Onɔ̀ yětɔn yì kponɔ lɛ dè nadó dǐn yé mɔ. Sinima lɔ nyí awuwlena kpó alɔgɔ sɔ́n kpikpli UNICEF tɔn, kpóɖɔ sɔ́n notɛn televiziɔn ji tɔn (ORTB) si. É nyí didóxya to adà kpɛvi ɛnɛ mɛ. Chabi-Kao basí tito sinima lɔ tɔn nadó gɔalɔná mɛlɛ nadó nywɛ gandó mɛylankan xe nɔ sà ovi flinflin lɛ go bo ɖoalɔtena yé. Sinima lɔ mɔ nunina ɖaxo awe yí. É mɔ ɖokpó to nunina lɔ lɛ mɛ yí to Canada to 2008. É mɔ awetɔ yí to Aflika to 2009. Mɛɖelɛ ma nɔ jlo ɖɔ sinima lɔ ni nyí didóxya vɔnu. Enɛwutu Chabi-Kao dó é xya wexɔmɛvi 300 sɔ́n Burkina Faso.
To 2009, Christiane nyí ɖiɖe dó otɛn anaɖenanutɔ tɔn mɛ ná xùnhwɛ sinima tɔn ɖé. Xùnhwɛ lɔ nɔ nyí yiylɔ ɖɔ Lagunimages. Jɛnukɔnna ojlɛ xe mɛ é nyí ɖiɖe te, é ko wazɔ́n sinsinnyɛ ná nukɔnyiyi xùnhwɛ lɔ tɔn oxwe susu lɛ. É tlɛ mɔ azɔnkplɔ́nmɛ vonɔtawun yí nadó kplɔ́n lexe yè nɔ ɖéanana xùnhwɛ lɔ ɖo. To 2013, Christiane basí aihundida televiziɔn ji tɔn ɖé xe nɔ nyí yiylɔɖɔ Les Chenapans. É tindó adà 14. Aihun lɔ gandó jɔja aflanmɛ atɔ́n xe wá sɔ́n Bénin ɖélɛ go, kpóɖɔ nuxahun xe yé to kpikpéxɛ lɛ. Christiane yí gbɛtɔ́ kpaa lɛ zan to aihun lɔ mɛ, é ma nyí tayiɖi aihundatɔ lɛ gba.
Sinima etɔn lɛ
[jlado | jla asisado]- 2005: Les enfants esclaves
- 2007: Les inseparables
- 2013: Les Chenapans
- 2014: Crocodile dans la Mangrove