Christiane Chabi-Kao
|
This article is written in Gun (Gungbe) |
Christiane Chabi-Kao yin jiji to 30 juin 1963. E yin tòvi Bénin tọn. E nọ basi sinima lẹ bo nọ kàn otàn lẹ dai.
Otàn Gbẹzan tọn
[jlado | jla asisado]Christiane Chabi-Kao yin jiji to Marseille, France to 1963.[1] E plọnnu to France sọn 1984 jẹ 1986, bo wá sẹtẹn yì Aflika to 1990.[2] Sinima etọn tintan, he hosọ etọn yin Les enfants esclaves, dọho gando ovi he nọ yin nuyiwa hẹ taidi kanlinmọ lẹ go.[3]
To 2007, e basi sinima de he nọ yin yiylọdọ Les inseparables. Sinima lọ dọho gando nọvi awe go, Yawa po Abi po. Otọ́ yetọn sà yé na mẹhe nọ sà yọpọvu lẹ. Onọ̀ yetọn yì ponọ lẹ dè nado dín yé mọ. Sinima lọ yin awuwlena po alọgọ sọn pipli UNICEF tọn, podọ sọn notẹn televiziọn ji tọn (ORTB) si. E yin didohia to adà pẹvi ẹnẹ mẹ. Chabi-Kao basi tito sinima lọ tọn nado gọalọna mẹlẹ nado yọnẹn gando mẹylankan he nọ sà ovi flinflin lẹ go bo doalọtena yé.[4] Sinima lọ mọ nunina daho awe yí. E mọ dopo to nunina lọ lẹ mẹ yí to Canada to 2008. E mọ awetọ yí to Aflika to 2009.[1] Mẹdelẹ ma nọ jlo dọ sinima lọ ni yin didohia vọnu. Enẹwutu Chabi-Kao do e hia wehọmẹvi 300 sọn Burkina Faso.[5]
To 2009, Christiane yin dide do otẹn anadenanutọ tọn mẹ na hùnwhẹ sinima tọn de. Hùnwhẹ lọ nọ yin yiylọ dọ Lagunimages.[6] Jẹnukọnna ojlẹ he mẹ e yin dide te, e ko wazọ́n sinsinyẹn na nukọnyiyi hùnwhẹ lọ tọn owhe susu lẹ. E tlẹ mọ azọnplọnmẹ vonọtaun yí nado plọ́n lehe yè nọ deanana hùnwhẹ lọ do.[7] To 2013, Christiane basi aihundida televiziọn ji tọn de he nọ yin yiylọdọ Les Chenapans. E tindo adà 14. Aihun lọ gando jọja aflanmẹ atọ́n he wá sọn Bénin delẹ go, podọ nuhahun he yé to pipehẹ lẹ. Christiane yí gbẹtọ paa lẹ zan to aihun lọ mẹ, e ma yin taidi aihundatọ lẹ gba.[8]
Sinima etọn lẹ
[jlado | jla asisado]- 2005: Les enfants esclaves
- 2007: Les inseparables
- 2013: Les Chenapans
- 2014: Crocodile dans la Mangrove
Alọdlẹndonu lẹ
[jlado | jla asisado]- ↑ 1.0 1.1 "CINE24 - BÉNIN : CHRISTIANE CHABI KAO EST UNE RÉALISATRICE ET SCÉNARISTE". Africa24TV (in French). Archived from the original on 25 October 2020. Retrieved 3 October 2020.
- ↑ "Christiane CHABI KAO". Linternaute.com (in French). Retrieved 3 October 2020.
- ↑ "Les Chenapans". Sortir.bf (in French). Archived from the original on 26 August 2021. Retrieved 3 October 2020.
- ↑ David-Gnahoui, Reine (10 July 2017). "'Les inséparables' films help combat child trafficking in Benin and worldwide". UNICEF. Archived from the original on 23 October 2012. Retrieved 3 October 2020.
- ↑ "Benin filmmaker takes fight against child labour to school". Expatica. Agence France-Presse. 10 March 2019. Retrieved 4 October 2020.
- ↑ "Christiane Chabi Kao - biographie". Africultures (in French). Retrieved 3 October 2020.
- ↑ Bationo, Fotrune (April 11, 2019). "Christiane Chabi Kao, directrice de Lagunimages au Bénin (du 23 au 26 avril)". Africine. Retrieved 3 October 2020.
- ↑ Bousquet, Delphine (25 November 2017). "Bénin: la série TV "Chenapans" cherche distributeur". RFI (in French). Retrieved 3 October 2020.