Chantal Yayi/guw-bj
|
Cet article est écrit en Gun (Bénin) |
Chantal de Souza Yayi (xe nyí jiji to 28 Alunlunsun 1949) nyí tònuɖɔtɔ́ Bénin tɔn ɖé bosɔ nyí Nyɔnu Tintan Bénin tɔn sɔ́n 2006 kakajɛ 2016. Ewɔ wɛ nyí asi Togán Bénin tɔn ɖayǐ tɔn, Thomas Boni Yayi
Otàn gbɛzǎn tɔn
[jlado | jla asisado]Chantal wá sɔ́n Ouidah. É wá sɔ́n hwɛndó De Souza tɔn mɛ, exe nyí asisa Portugal-vi kpó Brazil-vi lɛ kpó tɔn. É tindó nɔvi ao. Mɛɖaxo etɔn, Marcel Alain de Souza, nyí akwɛ́sɛɖotɔ ɖé bo nɔ ɖéanana azɔ̌nɖenamɛ ECOWAS tɔn. É kú to 2019. Chantal sɔ nyí ovivi-vivi Francisco Félix de Sousa tɔn, mɛxe nyí ajɔwatɔ xe nɔ xɔ̀ afanumɛ lɛ Brazil-vi ɖé kpóɖɔ nukɔntɔ ɖé to Ouidah. Tavɛ etɔn, Isidore de Souza, nyí Yɛhwenɔgan ɖé to Cotonou sɔ́n 1990 jɛ 1999.
Marcel do Chantal xya asu etɔn, Thomas Boni Yayi. Yé tindó ovi atɔ́n dókpɔ́. To 2008, axɔlu Nigeria-vi lɛ tɔn xe tin to Ile-ife ná yé tɛnmɛ-nyǐkɔ lɛ tayiɖi omɛ nukúndeji.
Tayiɖi Nyɔnu Tintan ɖé, Chantal wazɔ́n dó wekpinkplɔ́n kpó nukúnkpéɖomɛgo dotoxwé tɔn kpó ji. To 2016, é gɔalɔná nɔvisunnu etɔn nadó bɛ kpikpli tonuɖiɖɔ tɔn kpɛvi ɖé jɛeji xe nɔ nyí yiylɔɖɔ Front républicain pour une alternative patriotique, (Frap). Marcel wɛ nyí nukɔntɔ kpikpli exe tɔn bosɔ basí nujijlá ná otɛn togán tɔn cigbǎ vòbibla 0.13% kpoun wɛ é mɔyi.
To 2021, Chantal tindó nuxahun agbasalilo tɔn lɛ, é jɛazɔ̀n asaku-awàku tɔn. É nyí nukúnkpéɖego to dotoxwé Amelika tɔn ɖé bo yì Europe to godo mɛ ná nukúnkpéɖomɛgo dógɔ́.