Chantal Yayi
|
This article is written in Gun (Gungbe) |
Chantal de Souza Yayi (he yin jiji to 28 Alunlunsun 1949) yin tonudọtọ Bénin tọn de bosọ yin Yọnnu Tintan Bénin tọn sọn 2006 kakajẹ 2016. Ewọ wẹ yin asi Togán Bénin tọn dai tọn, Thomas Boni Yayi.
Otàn gbẹzan tọn
[jlado | jla asisado]Chantal wá sọn Ouidah. E wá sọn whẹndo De Souza tọn mẹ, ehe yin asisa Portugal-vi po Brazil-vi lẹ po tọn.[1][2] E tindo nọvi ao. Mẹdaho etọn, Marcel Alain de Souza, yin akuẹsẹdotọ de bo nọ deanana azọ́ndenamẹ ECOWAS tọn.[1][3] E kú to 2019. Chantal sọ yin ovivi-vivi Francisco Félix de Sousa tọn, mẹhe yin ajọwatọ he nọ họ̀ afanumẹ lẹ Brazil-vi de podọ nukọntọ de to Ouidah. Tavẹ etọn, Isidore de Souza, yin Yẹwhenọgan de to Cotonou sọn 1990 jẹ 1999.[1]
Marcel do Chantal hia asu etọn, Thomas Boni Yayi.[1] Yé tindo ovi atọ́n dopọ. To 2008, ahọlu Nigeria-vi lẹ tọn he tin to Ile-ife na yé tẹnmẹ-yinkọ lẹ taidi omẹ nukundeji.[4]
Taidi Yọnnu Tintan de, Chantal wazọ́n do wepinplọn po nukunpedomẹgo dotowhé tọn po ji. To 2016, e gọalọna nọvisunnu etọn nado bẹ pipli tonudidọ tọn pẹvi de jẹeji he nọ yin yiylọdọ Front républicain pour une alternative patriotique, (Frap). Marcel wẹ yin nukọntọ pipli ehe tọn bosọ basi nujijlá na otẹn togán tọn ṣigba vòbibla 0.13% poun wẹ e mọyi. [5]
To 2021, Chantal tindo nuhahun agbasalilo tọn lẹ, e jẹazọ̀n asaku-awàku tọn.[6] E yin nukunpedego to dotowhé Amelika tọn de bo yì Europe to godo mẹ na nukunpedomẹgo dogọ.
Alọdlẹndonu lẹ
[jlado | jla asisado]- ↑ 1.0 1.1 1.2 1.3 Duhem, Vince (2016-04-20). "Bénin : Marcel de Souza, à la fois proche de Thomas Boni Yayi et de Patrice Talon". Jeune Afrique. Archived from the original on 2016-08-28. Retrieved 2025-02-09.
- ↑ Hessoun, Charly (2011-01-01). "La première dame Chantal Yayi dans le viseur des Ouidaniens". La Nouvelle Tribune. Archived from the original on 2021-01-16. Retrieved 2025-02-09.
- ↑ "Marcel de Souza, ancien Président de la Commission de la Cédéao, est décédé". Radio France International. 2019-07-18. Archived from the original on 2020-04-06. Retrieved 2025-02-08.
- ↑ "His Imperial Majesty, Alayeluwa Oba Okunade Sijuwade, Olubuse ll- The Ooni of Ife". theooni.org. Archived from the original on 3 March 2013. Retrieved 2025-02-09.
- ↑ Matthieu Millecamps (2019-07-17). "Bénin : décès de Marcel de Souza, ancien président de la Commission de la Cedeao". Jeune Afrique. Archived from the original on 2020-08-03.
- ↑ Da Silva, Christopher (2016-04-28). "Rôle et place des Premières dames au Bénin: Quelle sera la marque de Claudine Talon?". La vraie info. Archived from the original on 2020-11-27. Retrieved 2025-02-08.