Cella Stella
|
This article is written in Gun (Gungbe) |
Cella Stella, he yin jiji to Côte d'Ivoire, yin hànjitọ podọ hànkantọ Makossa tọn Bénin-nu de.
Otàn gbẹzan tọn
[jlado | jla asisado]Cella Stella yin jiji to Côte d'Ivoire gbọn mẹjitọ Bénin-nu lẹ dali. E jẹ nuhiho hò ji to owhe-17-mẹvi mẹ, to fie e jẹ kọdetọn dagbe tintan etọn kọ̀n te to hùnwhẹ wehọmẹ tọn kleun de whenu he yin tito basina gbọn Centre Culturel Français.[1] To 1973, e biọ hànjigbẹ de he nọ yin Black Santiago mẹ, e plọn highlife, soukouss po R&B po to finẹ, yèdọ nuhiho alọpa devo lẹ.[2][3] E jẹ hànji ji edeṣo to owhe he bọdego mẹ. E wleawuna agbán de he e ylọdọ "Jale". Ohó milomilo - kàntọ de sọn Cameroun he nọ yin Eboa Lotin wẹ kàn ohàn lọ lẹ. E dukosọ hẹ hànjitọ de he nọ yin Myriam Makeba to nuhiho de tẹnmẹ to Cotonou. Yé lẹzun họntọn. Yé zingbejizọnlin lẹ dopọ to Libéria po Togo po.[4] E lẹkọwa-whé to 1979 podọ e dukosọ hẹ dawe de he nọ yin Ekambi Brillant. Yé yiwanna yede bo wá tindo viyẹyẹ de dopọ. Yé wleawuna agbán susu dopọ. Dẹpẹ lọ wẹ kàn ohàn etọn lẹpo to Douala.[5] Dopo to agbán etọn he diyin taun to 1986 lẹ mẹ wẹ "Mumi We Njo".[2] E wá jihàn to hùnwhẹ daho de tẹnmẹ to Louisiana. E jihàn dopọ hẹ hànjitọ he diyin awe devo lẹ: Sylviane Cédia po Francis Cabrel po. To 2000, wleawuna agbán devo de he e ylọdọ "Tradi Emotion". E wá jẹ ohàn Benin tọn lẹ ji ji. E jihàn gando owanyi go, podọ gando numimọ he e ko tindo wayi lẹ go. E jihàn dopọ hẹ hànjitọ voovo devo lẹ, delẹ to yé mẹ wẹ Guy Nsangué, Étienne Mbappé , Noël Assolo , Willy N'for, Charles Ewandje po Barbara Akabla.[3][2] E wá sẹtẹn yì France. E zindonukọn to hànjiji mẹ bo jihàn to nuwiwa voovo lẹ tẹnmẹ to Europe podọ to Afrique.[1][6][7]
Ohàn etọn lẹ
[jlado | jla asisado]Ohàn he e ji edeṣo lẹ
[jlado | jla asisado]Cella Stella ji ohàn diblayi kande-ao edeṣo:[3][8]
- 2000: Nyoue
- 2000: Chéri Gbomayi
- 2000: Monjuba
- 2000: Makambo ya nostalgie
- 2000: Mbo’a Ngo
- 2013 : Latane oa na mba
- 2013 : Mambo na mambo
- 2013 : Mari officiel
- 2013 : Sokem
- 2013 : Ebola ndutu
- 2013 : Wellissane
Alọdlẹndonu lẹ
[jlado | jla asisado]- ↑ 1.0 1.1 "Personnes | Africultures : Stella Cella". Africultures. Retrieved 2025-02-08.
- ↑ 2.0 2.1 2.2 2.3 "Cella Stella". Music In Africa. 2015-08-20. Retrieved 2025-02-08.
- ↑ 3.0 3.1 3.2 3.3 3.4 "Cella Stella". Deezer. Retrieved 2025-02-08.
- ↑ "Cella Stella". Deezer. Retrieved 2025-02-08.
- ↑ admin (2022-12-13). "Cameroun : L'artiste Ekambi Brillant est mort". allbuzzafrica. Retrieved 2025-02-08.
- ↑ "Cella Stella". Music In Africa. 2015-08-20. Retrieved 2025-02-08.
- ↑ CAMEROON MAGAZINE-GM (2023-02-24). ""Ekambi Brillant m'a donné un trésor" : Entretien exclusif avec Cella Stella". Cameroon Magazine. Retrieved 2025-02-08.
- ↑ "Cella Stella". Discogs. Retrieved 2025-02-08.