Carole Lokossou/guw-bj
|
Cet article est écrit en Gun (Bénin) |
Carole Lokossou, xe nyǐkɔ etɔn jɔun wɛ Akpé Carole Lokossou, nyí aihundatɔ Bénin tɔn ɖé, é sɔ nyí hànjitɔ ɖé, weɖutɔ ɖé, kpóɖɔ é nɔ ɖéanana aihundatɔ lɛ, é sɔ nɔ xòavùn ná jlɔjɛ nyɔnu lɛ tɔn.
Otàn gbɛzǎn tɔn
[jlado | jla asisado]To bɛjɛeji
[jlado | jla asisado]Carole Lokokosu yì Wexɔmɛ Alavɔ Abomey-Calavǐ tɔn. To wexɔmɛ alavɔ tɔn lɔ, é kɔnawudókpɔ́ xɛ wexɔmɛvi ɖélɛ xe yiwǎnna aihundida kpó aca kpó. To finɛ, é kplɔ́nnǔ gandó aihundida okplo ji tɔn, weɖuɖu, kpó hànjiji kpó go. É jɛ onú exelɛ kplɔ́n ji to 1995.
Azɔ̌n
[jlado | jla asisado]É tindó gbeɖewema wexɔmɛ alavɔ tɔn ná adà voovo nukpinkplɔ́n tɔn atɔ̀n; nukpinkplɔ́n gandó walɔyizan gbɛtɔ́ tɔn kpó lɛdó kpó go, Glɛnsigbe, kpó Anaɖiɖenanu kpo
É jlo ná hɛn nugokpikpé etɔn lɛ kpɔnte dógɔ́. Enɛwutu, é yì wexɔmɛ aihundida tɔn ɖé to Tunisie. To nukpinkplɔ́n gandó aihundida okplo ji tɔn go fó godo, é jɛ éɖé kplɔ́n ji gandó sinima lɛ go. Gandó hwɛxo exe go, é ɖɔmɔ:
"(...) N'kplɔ́n nususu sɔ́n Intɛnɛt ji. N'mɔ azɔ́nkplɔ́nmɛ yí xe gɔalɔná mi nadó yɔ́n vogbingbɔn xe tin to aihundida okplo ji tɔn kpó sinima kpó cɛncɛn. (...)"
Carole Lokosu dó ogbɛ́ ɖé ai bo nɔ gɔalɔná gbɛtɔ́ lɛ gbɔn nukpinkplɔ́n yé dali. É kplɔ́nnǔ nyɔnu lɛ kpó jɔja lɛ kpó gandó aihundida go.
Ajɔ̀ lɛ
[jlado | jla asisado]Carole Lokossou nyí hwɛdatɔ ɖé to xùnhwɛ 27tɔ FESPACO tɔn hwenu. É sɔ mɔ nunina ɖé yí to xùnhwɛ Festival international des films de femmes de Cotonou tɔn hwenu ná azɔ̌n sinsinnyɛ etɔn lɛkpó. Nyɔnu ɛnɛ ɖévo lɛ mɔ nunina lɛ yí ga: Tella Kpomahou, Laure Agbo, Jemima Catraye kpó Christiane Chabi-Kao kpó.