Carmen Toudonou/guw-bj
|
Cet article est écrit en Gun (Bénin) |
Carmen Fifamè Toudonou nyí jiji to 22 Liyasun 1981. É wá sɔ́n Bénin. Wekantɔ, linlin-kàntɔ, kpó azɔ́nnywɛtɔ xoɖɔdókpɔ́ tɔn ɖé kpó wɛ é nyí. É sɔ bɛ agbàhwinhwlɛn ɖé jɛeji xe nɔ nyí yiylɔɖɔ "Miss Literature".
Otàn gbɛzǎn tɔn
[jlado | jla asisado]Wekpinkplɔ́n
[jlado | jla asisado]Carmen Fifamè Toudonou nyí wekantɔ ɖé xe wá sɔ́n Bénin. É nyí jiji to 22 Liyasun 1981. É ɖotana wexɔmɛ ɖaxo to 1999. Enɛgodo é kplɔ́n nadó nyí linlin-kàntɔ ɖé bo fó to 2007. To enɛgodo, é tindó gbeɖewema vonɔtawun ɖé nadó ɖɔxodókpɔ́ xɛ ɛ to 2012.
To 8 Xwejisun 2023, Carmen ɖotana wexɔmɛ alavɔ tɔn etɔn to Wexɔmɛ Alavɔ Abomey Calavi tɔn. É kàn wema ɖaxo ɖé xe ɖɔxo susu gandó oxwì xe to avɔ̀ xe ahwànfuntɔ Bénin tɔn lɛ nɔ ɖo.
Azɔ̌n
[jlado | jla asisado]Kakajɛ 2019, ewɔ wɛ nyí ogán azɔ́nwatɛn xe nɔ kpénukúndó azɔ́nxwé Xoɖɔdókpɔ́ Bénin tɔn lɛ go tɔn. Sɔ́n hwenɛnu, é ko wazɔ́n ɖi ogán ɖé to Institut parlementaire du Bénin (IPAB).
Wekinkan
[jlado | jla asisado]Carmen Toudonou kàn owě ɖé xe nɔ nyí Presqu'une vie to 2014. Wenywɛtɔ susu to Bénin yiwǎnna owě lɔ! Omɛ titewungbe awe, Eustache Florent Hessou, linlin - kàntɔ kpó wekantɔ ɖé kpó, gɔná Gaston Zossou, xe nyí xe nyí Lizɔnyizɔnwatɔ ɖayǐ tɔn ɖé, kpà owě lɔ. Owě lɔ sɔ ɖozolanmɛ ná gbɛtɔ́ lɛ nadó kplɔ́n walɔyizan nyɔnu lɛ tɔn kpó gbɛzǎn nyɔnu lɛ tɔn kpó to Aflika.
É ɖɔ ɖɔ Guy de Maupassant kpó Edgar Allan Poe kpó wɛ yinuwadó emi ji nadó kàn otàn kleun ɖélɛ ɖayǐ, kpóɖɔ wekantɔ Hilaire Dovonon wɛ yinuwadó alixo xe mɛ é nɔ kàn oxó milomilo lɛ te dó ji, wekantɔ Ken Bugul kpó wekantɔ Bénin tɔn Olympe Quenum kpó lɛ lɔsu gɔalɔ. Ewɔ wɛ nyí tɔ́ntlɔ́ngbɔ́n to agbàhwinhwlɛn Miss Literature tɔn mɛ, yèɖɔ nujijɔ ɖé xe nyí awuwlena nadó kplɔ́nazɔ́n nyɔnu Aflika tɔn lɛ gbɔn tulinina vinyɔnu jɔja oxwe 18 jɛ 24 mɛvi lɛ nadó tindó ojlǒ to wexixya kpó wekinkan kpó mɛ dali, yèɖɔ to otò Aflika tɔn 8.
Zinjɛgbonu tangan lɛ
[jlado | jla asisado]- "Sororité chérie : collectif dirigé par Carmen Fifamè Toudonou". 2022. Retrieved 2025-02-08.
- "L'odyssée vodou : roman". 2020. Retrieved 2025-02-08.
- "Carmen Fifonsi Aboki (CFA)". Books on Demand. 2018. Retrieved 2025-02-08.
- "Tant de gens espèrent être aimés et beaucoup ne sont que mariés : roman". 2020. Retrieved 2025-02-08.
- "Noire Venus : recueil de poèmes". 2015. Retrieved 2025-02-08.
- "Presqu'une vie : roman". 2013. Retrieved 2025-02-08.
Ajɔ̀ lɛ
[jlado | jla asisado]É nyí ɖiɖe to 2019 ná ale Kourouma tɔn ná Carmen Fifonsi Aboki (CFA).